السلام عليكم ورحمة الله وبركاته
عين طفلي
كثير اطفال يتعرضوا لامراض مختلفه بالعيون بعضها وهي الاكثر منذ الولاده والبعض حوادث عارضه لهم
حبيت نسوي تجمع ونتناقش فيه عن امراض العيون وايش مشكلة ولدك او بنتك
وباي مستشفى تراجعين وايش الاسباب وافضل دكتور وافضل مستشفى سوا بالمملكه او خارجها
قلبي كأم
هذا الموضوع خطر ببالي بعد ماقريت اقتراح للاخت لحظة الم انه يكون هناك تجمع
وشفت كثييير يسالون عن عيون اطفالهم خاصه الحول كثيرررر
ونبي نتناقش فيه عن متى لاحظتي ان عيون طفلك فيها مشكله وكيف احتويتي المشكله وكيف اهتمامك بطفلك
امل كبير
مهما كان حجم المشكله لا ننسى ان ربنا رحيم وكريم بنا
ورحمته اعظم بكثيررررر من رحمة الام بطفلها
والامل كبير وما من داء الا وله دواء
اتمنى تتفاعلوا
وراح اكتب مشكلة بنتي
رقة الورد123321 @rk_alord123321
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
ولما صار عمرها شهرين لاحظت انها ماتركز معي ولا تناظر للي قدامها قلت لو ابي انتظر موعدهم بيحترق قلبي وبتدهور حالة بنتي
ولفيت فيها مستشفيات القصيم خاصه وحكومي وكلهم يقولوا لازم مستشفى كبير عندو اجهزه خاصه لمثل هالحالات
وديتها للملك خالد بالرياض واستقبلونا عن طريق الطواري مع ان مستشفيات القصيم الحكومي رفضوا يعطونا له تحويل يقولوا مايستقبل اقل من سنه
بس اخذت التحويل من خاص ورحت للطواري حق خالد والحمدلله استقبلونا
عند الدكتور راكان خان ابي اتاكد لكم من الاسم ان شاء الله
وعطوها منوم وكشفوا عليها
قال الدكتور صغر العيون ماثر على النظر عندها وهذ خلقه من ربي وراح يكون نظرها ضعيف بالمره
ووحده من عيونها فيها مويا بيضاء وعطاها نظاره وبيتابعوا نمو عينها واحتمال يتحسن واحتمال يبقى ان شاء الله بيتحسن
واستخدمت النظاره بس ما احس فيه اختلاف لسى ماتركز على شي
والحمدلله املي بالله كبير وان شاء الله راح نلاقي لها علاج
وبخاطري اوديها لدكتور ثاني ابي اشوف تشخيصه نفسه بس ما ادري لاي مستشفى
فكرت بالالماني
والله ييسر لنا ويساعدنا ويشفيها