عين ولدي عمره خمس سنوات

السلام عليكم ورحمة الله وبركاته :44: الحمدالله على كل حال انا زوجي سافر للخارج للدراسه وصار له الحين ست شهور او اكثر وولدي الله يحفظه عمره خمس سنوات متعلق بابوه حيل لدرجه انه صاير ظله وابوه صراحه بالغ في تدليعه كنت اقول ان ولدي نسى المشي من كثر ماهو شايله لكل مكان ومن راح وهو ومتواصل مع ابوه عن طريق المسنجر فيديو يكلمه ويسولف معه ويلاعبه بعد وهو متعلق فيه مره بس مو هذي المشكله المشكله انه :icon33: من اسبوعين لاحظت شي ولدي يرفض يكلم ابوه ولايبي حتى يشوفه وبعد ماقفل المسنجر يبكي يبغاه والي جنني اكثر انه اكل اظافره بشكل يخرع اظافر يديه صارو صغار والجلد ماكول واظافر رجوله دم مادري وش اسوي والي زاد الطين بله ان عينه اليمين بدات تتغير يعني صاير كانه احول على فوق مو يمين ولايسار فوق والله خايفه وش هالحاله الي جته الله يكفينا امراض العصر وفي وحده من جاراتي شافته تقول فيه شهوه على ابوه روحي وديه عند حريم طب شعبي وهم موجودين بسوق الثقبه الحريم الي يبيعن يعرفون بهالسوالف وش رايكم ومن مرة عليها هالحاله ومن تعرف بالشهوه زي ماتقول جارتي او اسالو جداتكم او امهاتكم هل صحيح اذا طفل فقد احد عيونه تتغير تكفون الله يفرج همكم :icon33: