قمه .. وسكر على عسل ..
حاوووولت كذا مرة يطلعه برا الغرفه يسوي له غرفه ويخليه ينام فيها بما ان عمره صار 8 سنوات كنت احس يفهم كل شيء .. ولا كنت اخذ راحتي ابدا معاه وقت ** كنت اخاف الولد يصحى .. وكنت اقول له وش يفرق قبل تطلق ووقتها كان صغير ومع كذا كان بغرفه لحاله مع اخته ... والله اني كنت ابكي قهر من الشيء هذا .. لا اتكلم ولا اسولف ولا ادخل غرفتي بحكم الولد فيها 😢 .. وحاولت فيه يجيب شغاله ورفض يقول ما اخلي اولادي للشغالات ... هو اخطأ بحقي وحرمني من الحمل وظلمني بالطلاق .. حسبي الله ونعم الوكيل .. الله لا يعيدها من ايام .. والله يعوضني باحسن منه يارب ..


في شغله لصاحبة الموضوع .. ممكن في يوم من الايام رح تكتشفين انه يتواصل مع طليقته لاي سبب كان وبما ان الولد معاه فما يمنع انها تتواصل معاه وتساله عنه .. واذا كنتي من النوع الغيووور والله تتعبين كثير ..
انا كنت كذا بالبداية كان يكذب علي انه ما يتواصل معاها حتى اكتشفته انه يراسلها .. والله اعلم وش الي كان متخبي ...
فارجوووك لا تتسرعين في قرارك وموافقتك والله يكتب لك مافيه خير يارب ..

احساس الله يعوضك خير من زين العيشه معاه ومنوم ولده معكم ومتحملته ويطلق بعد
واضح انه لعاب ومو قد عرس ومسؤوليه الحمدلله الي افتكيتي منه

دانه الدنيا
صراحه ردك قهرني طيب اكشفو ع الولد عالجوه امكن فيه شي ....


سكر على عسل
الله يجزاك خير ولا يغير بنت زوجك عليك يارب ويرزقك ربي باللي تتمنيه


صاحبه القصه
اشوف ماتقدري تبني حياتك ع حياه احد في المنتدى والرجال يختلفو بس احس مو مقتنعه بالولد ابدا فلا توافقي عشان لا تظلمي نفسك ولا تظلميه هو كمان حرام مالو ذنب ..
وانا اشوف انك تسالي عن الرجال افضل من انك تسالي عن الولد


عمي طلق مرته وعنده 5 اطفال وقتها 4 اولاد وبنت واكبرهم كان في سادس ابتدائي والصغير 5 سنوات وكلهم معاه لمن تزوج وماشاء الله تبارك الله ربتهم ويروحو لامهم في الويك اند كانو شوفيهم الحين تزوجو كلهم باقي الصغير وكلهم يحبوها ويعاملوها كانها امهم وفي كل زواج واحد من العيال تحضر هي وتحضر امهم الحقيقيه وعادي جدا يرقصو وكل شي خلاص ماصار تفاهم بينهم وانفصلو ليش الغيره ابغى افهم اذا انتي ماتغيري وافقي عادي واذا من النوع الغيور لا توافقي
يعني بصراحه اولا واخيرا يعتمد عليكي انتي

دانة الدنيا
حبيت اسالك عن سلوك الولد وايش هو الشي الي مو طبيعي فيه ؟؟
خرجت عن الموضوع بس بجد محتاجه اجابه

الله يعوض عليكم يابنات
المفروض البزران يكونون عند الام لحد 15 سنة ع الاقل
عشان نموهم النفسي والانفعالي , في دول العالم كلها الحضانة للام مايرووحون للاب الا اذا بلغوا 18 واختاروا انهم يروحون لابوهم
لان الام فعلا هي اللي تشبع اطفالها وتهتم فيهم
وخصوصا البنت لانها تحتاج امها في المراهقة وغيره




وبرضو بنت الناس مهب مربية
وماتزوجت عشان تربي عيال غيرها خصوصا اذا الام موجوة وحية ترزق
لكن المصيبة اذا الام تجردت من انسانيتها ورمت عيالها وعافتهم
هنا مشكلة
لكن مفروض الجدة تساهم سواء جدته لأمه او جدته لأبوه