تسلمين يا شذى الروح / همي نفسي / عمة الحسن كله --- مداخلة حلوه منكم ماقصرتوا -- بس ماي الورد مايحرق العيون لانه عطري ؟؟؟ .

هلا بدولة الكويت -- فديت هالاسم والله --- ومعاج حق اوبتركس وااايد تلطف العين وبالذات لماتخلينها بالثلاجه وتحطين منها بارده --- وتحياتي لج

هلا بفداء النور / حياتي اذا عيونك ملتهبة من العدسات لاتحطين اللاثمد لين تهدى الحساسية الي بعينك لانها اساسا متهيجه وتعبانة --استخدمي الرفرش او الغسول الطبي الخاص بالعين ولماتهدى بعدها استخدمي الاثمد عادي هو يكون معاه مثل العود من زجاج كحلي العين فيه ومايضر بعدين الاثمد البرتقالي مو بني غامق هذا مغشوش --

وشاهزنان ماقصرت شفتي الرفرش الي قالتلك عنه هذا الي انا استخدمة استعمال يومي وروووعه --- بس نصيحه لك ولشاهزنان انه العسل ماينحط ياقلبي مباشره بالعين يحرقها موووووت لكن لازم تخففينه بماي حتى يعالج ويغسلك العين --- وسلامتكم


هلا بهدى / وحياج الله ياقلبي --- اي انا احب انه الكل يستفيد والعيون نعمه الحمدلله ..

تسلمين يا ( ملفوفه حمرا ) كفيتي ووفيتي ماقصرتي والله --- وعملية التنظيف هذي انا شخصيا اول مره اعرفها منك -- الله يجعلها بميزان حسناتك يارب --- وتحياتي لج


وعلى فكره بنات الشاي تراه قابض للاوعيه الدمويه --- بتلاحظون اول ماتحطونه بالعين العيون تثقل شوي وبعدين ترتاح بس هو معقم لكن ماده البكتين على ماعتقد هي الي تثقل العين --- وبعدين ماعليكم من كل خبر ينقال تروعتوا --- يا ما امهاتنا وجاتنا استخدموا وعيونهم على طبيعتها وجمالها لكن حكم السن مع الايام !!!!





وين باقي البنات واهل الخبره --- يالله ترانا محتاجينكم ؟؟؟؟

البخل بالمعلومات مو زين ترااااااااااااااا :)

والله لو تشوفو عيني تحزنوا وهذا بسبة اولا السهر وثانيالبست العدسات بس يمكن مره اومرتين والحين مقدر احطها بعيني وانا افكر اروح لاخصائي عيون لانو طلعلي سواد وذبلان بسبة الحكه الشديده ويمكن حساسيه مع الجو ماني عارفه معني جربت الحلول الطبعيه بس لازم اعالج المشكله اول ادعولي بالشفا ام عبودي معاكم

أنا يا بنات اول شي وايد حابه الموضوع لأن العين جزء حساس ومهم جدا .. أنا مقابله الكمبيوتر طول الليل وفي النهار عدسات هذا من غير الكحل والميكب ...!!!

طبعا أكيد تقولون شلون أحافظ على عيني ..أنا ادري مقصرة بحقها بس الحمدلله اسوي اللي اقدر عليه ..

أول شي أنا عدساتي حق نظر وصرت أفحص كل ثلاث شهور عشان ماأضر عيني لأن النظر يمكن يتغير خلال هالفترة..


ثاني شي اسوي كمادات شاي مرة بالاسبوع يعني أجيب الشاي ليبتون اثنين واحطهم يغلون وبعدين اطلعهم واحطهم بالثلاجه وبعدين اجيب فنجان فيه ماي ورد شوي واغمسهم فيه واطلعهم وعلى طول احطهم على عيني..


ثالث شي استخدم ماسك لعيني من ماركة كاريتا يشد منطقة العين ويبرد عليها ويغذيها.


و آخر وأهم شي كل يوم ارطب عيني بكريم العين الجديد من نايترووجينا يشد ويرطب ويغذي وبينفع حق المستقبل...


هاي اللي اسويه باختصار واللي تبي تسأل عن أي شي حاضرين للطيبين فقط

انا العدسات ذابحتني هالايام
وعلى الله ثم الريفريش والبريزولين كويسة مررره تخفف الحرقان والاحمرار