عيونها حاره ذبحتني وحملتني هم الله لايوريكم مكروه ابي منكم المشوره

عزيزاتي بنات حواء
عندي زميله في العمل لا اله الا الله عيونها حاره .. والله ماكنت اخذ هالشي باهميه كبيره
كل شي مقدر من ربي لكن هالانسانه اعدمنت حياتي بعيونها

بقولكم مواقف وانتم احكموا
ابي ارتاح منها صرت اضايق من شوفتها ابي اقطع علاقتي معها ودي تكون رسميه لكن هي لزقه من النوع اللي وجهه قوي
باختصار وقاحه والله العظيم
قبل كم يوم كنا بالعمل وكنت ادور بين المكاتب واشرب قهوه واضحك مع هاذي واسولف مع هاذي
قالتلي وش فيك يافلانه مبسوطه كذا ؟ انتي ماتتعبين طول اليوم تفرين !

والله اني في ذاك اليوم بعد كلامها انقلب مزاجي وتعكر وطول الوقت صرت متضايقه ولحالي
ورجولي لين الحين متورمه من عند الفخوذ

هي تدري بخطبتي ودايم تسالني عن خطيبي ومكالماتنا وزياراته عندنا في البيت ومن غبائي دايم اقولها كل شي كنت معتبرتها زميله تخاف علي
المهم في مره كنا قاعدين بجمعه عند وحده من البنات وقلتلهم والله مستعجله ودي اروح
قالتلي بيني وبينها بتموتين عشان تكلمينه اشتقتيله ماتقدرين تصبرين احسك متلهفه على شوفته

واقسم لكم بالله انه من يوم رجعت صارت لي مشكله معاه غريبه تاااااافهه
ووالله اني بكيت وبكيت تعبت بتهدم لي حياتي كل شي دقق فيه وكل شي تجرحني فيه وتحجرني بالكلام قدام الناس
حسبي الله ونعم الوكيل

اقولها اذكري الله خلي ذكره على لسانك
تقول بكل وقاحه على ايش ؟
ا
انا مابي الحين الا كيف اتجنبها وكيف اخليها تبعد عيونها عني ووالله اني اخااف من عيونها الله اكبر عليها
انا اقرا اذكاري واحصن نفسي بس قولولي طريقه اتصرف معها تعبت منها