اختى انصحك ان كان الكيس الدهنى كبير تسويله عمليه كشط عند الصالح للعيون ألى فى الملز وبعدها اطحنى مره ناعمه جدا ونظيفه وحطى معها شوى شب مطحون طبعا الشب بيكون ربع مقدار المره او اقل بعدين تعجنينهم مع بعض بشوى مويه مع الحرص على النظافه الكامله ولعجنتيهم مع بعض تشكلنهم على شكل تحاميل او اقلام وتخلينها تنشف بعدين تحطينها بعلبه نظيفه وتتكحين منها قبل ماتنامين مع التركيز على الحبوب الى داخل وخارج الجفن وادعلي

شوفي اختي انا عندي ولدي عمره 4سنوات وطالع له كيسين كبير وصغير شافتني مرت حماي وقالتلي انه كان ولدها نفس ولدي ودته المستشفى قالو له قطرات ومراهم لمن يكبر يسوون له العمليه راح ابوه الصيدليه يصرف علاج شافه واحدمن اخوانا البدو وقال له لا قطرات ولا غيره بس حط له كحل رمل وما شاء الله عليه الحين في ثانوي ولا رجع له الحمد لله عاد انا ابتديت احط حق ولدي لي اسبو ع مابعد يبين مفعوله جربيه والله يشفيك ويشفي ولدي اما اذا كان امبين بره العين اللي يجي قريب من زاوية العين زوج اختي شاله ورجع له وقا له واحد فركه با الثوم وفعلا راح ولا رجع معليه كثرت عليك هذره بس حبيت اطمنك مثل ما طمنوني

حبيبتي العمليه حل مؤقت والدكتور اكد لي ان كل ماطلع الكيس لازم عمليه يعني كل ماشلتيه يرجع

جربي وصفتي الجهنميه وياليت تكتبين في نفس موضوعي وش صار معك رابط الموضوع حطته الاخت shahd3000

اختي تعاني منها الله يعافيكم يارب

أنا صارت لي مره بعيني ورحت مستشفى المركزي وأخذت موعد عشان اسوي عمليه ازيل الكيس عآد زحمه وكذا

موعدي صار بعد شهر وبوقتها داومت ع كمادات الشاي الدافيه

وحمدلله راحت قبل لايجي الموعد ..

أنا سمعت انو اذا سويتي عمليه ترجع ثانيه ..

انا قبلها كنت استخدم مكمل غذائي فيتامين كبد الحوت واتوقع انه السبب بالي صار لي ..ووقفته ع طول