عيون ووجوه بشعه وحالات غريبه اعانيها من زمان؟؟؟

السلام عليكم
انا عندي حالات ماعرفت لها تفسير
لما انام ع الفراش واول مااغمض عيوني تجيني هالوجيه والعيون ويجيني وجه وراء وجه بتواصل وتتدرج في البشاعه اول شي يجي الوجه والعيون عادي بعدين يزيد بشاعه وهكذا بالتدريج الى اني افتح عيوني من الخوف

الحاله الثانيه
لما يطفى الكهرباء
اشوف دوائر واشياء شفافه سريعة الحركه حركات خاطفه ولما التفت مااشوف شي ولما اغمض عيوني اشوف عدسات بيضاء ؟؟؟


الحاله 3

يجيني صداع ورؤيه مزدوجه وكاني بحلم !!!
وبعض الاحيان لما انام واحط يديني ع صدري او بطني وبديت بالنوم احس يديني مقلوبه بحيث باطن الكف فوق والضاهر تحت لدرجة اني اقوم اشوف اتاكد

الحاله4

احس بضيق وبكاء عند سماع كل اذان بالذات اذان المغرب ويجيني خوف من الاذان لدرجه اني اكتم الصوت حق التلفزيون وحذفت برنامج االاذان من جوالي


الحاله 5


لما افكر بمشروع صغير او ابجمع فلوس او ادخل دوره تعليميه او تثقيفيه او اي شي واكون متحمسه لها الشي بعد ايام خلاص ابطل واقول خلاص ليش اسوي مشروع و احنا بنموت القيامه بتقوم ومصيرنا الموت ليش اتعب نفسي من يوم عمري 19 افكر كذا والحين عمري 28 ولا فيه اي تقدم تخرجت من الجامعه وجالسه بالبيت.


الحاله 6

احس حد بيدخل علي بالمطبخ او الغرفه زي الاسد او النمر او جني بسم الله علينا او حاجه بشعه ومخيفه او حد بيلمسني فاخااف اجلس طول الوقت اتلفت واخاف من دولاب ملابس في غرفة النوم اذا بانام وهو مفتوح لازم اقفله


الحاله 7

شعور مفاجيئ بالخوووووف حتى لو زوجي واهلي عندي ولما اطلع من البيت يهيج القولون علي واحس مو مرتاحه

الحاله8

لما اكون اسولف مع احد واسكت فجأه يقولون لي وها وش كنتي تقولين وانا اساسا ماتكلمت ؟؟؟؟؟؟؟ هذي الحاله اكتشفتها في الثانوي
زي امس كنت اسولف مع زوجي انا سكتت وخلصت الكلام وزوجي كان بيروح الحمام فرجع يقول لي ايش وش كنتي تقولين انا قلت لا ابد ماتكلت وفعلا انا ماتكلمت !!!!!

الحاله 9


لما اشغل المكنسه الكهربائيه او الاستشوار احس حد يتكلم او يصرخ فاضطر اقفله عشان اسمع ؟؟ اذا قفلت ماااسمع حد


الحاله10


اسمع حاجه في نفسي تسب الله(استغفر الله) واي شي يخص الدين وانا جالسه اصححها في نفسها وانصحها مدري وش هي لدرجه اني اخاف ربي يخسف فيني الارض


الم ملازمني من يوم كنت بالابتدائي من الكتف الى الضهر والبطن زي العرق اكثر شي يجيني وانا جالسه الى الان معي وتطور مررره لدرجة احس تنمل بفقرة الضهر جنب الكتف وزي الغصه بصدري

__________________________________________________________________________
في حادثه حصلت لي وانا صغيره والى الان مااااعرف هي حلم ام حقيقه مادري صارلي صدق والاكنت احلم وهي اني كنت العب برا البيت وكنت احب مكان في بيت جراننا كان مهجور ومكان للغنم بس كان فيه بقايا اثاث والعاب كنت احب ادور فيه واكتشف فجاه جاتني غيمه سوداء قريبه مني بس ماادري هي غيمه والاسواء اشوفه قدامي المهم كنت ابغى المسها ماقدرت احسها بعيده شوي وقمت جبت كرسي وطلعت ولمستها وكانت زي الكهرباء او التنميل وبعدها حسيت زي الاغماء مادري وش صار المهم الين الحين اتذكرها مانسيتها ومادري هو حلم والا حقيقه