غابات النور وامل يضيع بين السطور ..

السلام عليكم ..
هاانا اعود من جديد بعلامات استفهام لا اجد لها جوابا ..
يااخواتي طفشت زهقت ولارد في حكم الله ..
اكيد بعض الاخواتي متابعات اخباري الي صارت مملة .. ولله الحمد ..
اخر دورة 6/1/2006 واليوم 8/3/2006 ولا حس ولا خبر للدورة .. بعرف ايش راح تقولون .. سوي تحليل .. اييييييييييييييييي اشكثر التحاليل المنزلية الي سويتها ماطلع شئ ابد .. رحت المستشفى .. لا تستعجلون .. تعبت وانا يعطوني فرصة يقولون يمكن تجي الدورة .. غلاسة قوية .. المهم رحت امبارح قلتلهم ياناس ياعالم سوولي تحليل دم قالوا لا مانقدر اخخخخخخخخخخ لان تحليل البول تست عادي يعني ماطلع بيه شئ .. طبعا هدي بريطانيا ام العلم .. قالولي انتي جادة في انك تبي تحملين .. قلتلهم وايش قاعدة اسوي العب لعب اعيال يعني .. قالولي لا مانقدر انسويلك شئ الا بعد مرور سنة على زواجك .. طيب بلعتها وسكتت .. قلتلهم وش الحل بتخلوني كدا لا دورة تنزل ولا اعرف اني حامل او لا ..
قالوا لا ياحبيبتنا احنا نستنى الدورة لين تجي ويوم 21 من الدورة تعالي انسويلك تحليل البرجسترون تقريبا ومافهمت وش يقصدون .. مع اني شرحلتهم اني قبل تاخر الدورة احس بصدري وخز للحين ويوجعني كثير ومنفوخ ومتمدد .. ويوم 29 من الدورة نزلت نقطة دم وراحت .. واحس بدوخة مو دايما بس لما اقوم او اجلس احس بدوار متل دوار البحر .. ونفسي ماارجع بس عندي رغبة بس عادي .. والحمد لله شهيتي زينة .. وبطني من تحت احس منفوخ .. بس مافي اعراض دورة الحمد لله ومافي اي الم ماشاء الله وانا انتظر الحين الفرج من الله تعالى .. قررت اني انسى الموضوع وماراح انزل الدورة الا ادا نزلت لوحدها ..
خواتي ايش تتوقعون بي يعني انا صح دورتي مو منتظمة بس عمرها ماقعدت شهرين ..
افيدوني ..
وقررت اني انعزل من منتدى عالم حواء لان صدق حلو بس يشغل تفكيري كثير بالحمل وانا تعبت ..