غارت عليه ضربها ومزق ثيابها

مشكلة وحده اعرفها صارت البارحه


دايما بينها وبين ريلها مشاكل لانها ما تحب طبعه وما تثق به لأسباب بينهم

المهم مره اخو زوجها كان ناسي تلفونه في البيت وهو مالج ( كاتب كتابه ) المهم زوجته تتصل وتتصل وما يرد عليها تخيلوا اتصلت ع موبايل زوج صديقتي


طبعا صديقتي تضايقت وااااااااايد و من يومها وهي تغيرت ويا هالانسانه وتقول ما تبا تكون لها علاقه بزوجها ومستغربه من وين يابت رقمه


المهم اخوه تزوج وساكن وياهم ف البيت و هي ما تخلي زوجها يكلم مرت اخوه ولا يكون موجود وياها في نفس المكان

والبارحه تناقشوا بالسالفه هي وريلها وهو عصب وقال هذي مرت اخوي وانا ما ف خاطري شي و انتي ما لج خص ومن هالكلام وهي تقول انت ريلي وانا اغار عليك

المهم عصب وقام من مكانه وسحبها من بجامتها ومسكينه طاحت ع الارض و تعورت وهو يسحبها ويقول لها تعالي بوديج عند مرت اخوي اقولها ليش متصله فيني


وبعدين ضربها جدام ولدها عمره سنه وخمس شهور ومسكين يصيح الولد

وهي تصيح و يقول لها زوجها سيري بيت الهج انا ما اباج وبعدين قامت تاخذ ثيابها و وهي تصيح وهو يطالعها وبعدها قال بوصلج قالت له لا بسير بروحي بسيارتي وهو طلع وراها وعطاها كف على ويها وعينها مسكينه طاحت على الارض ودخلها البيت مره ثانيه ويوقل لها انا ما بهيتج فليل


وبعدها اعتذر بس ليش كل هذا


مب من حق الزوجه تغار على زوجها ؟

هل يحق للزوج سحب زوجته بهذه الطريقه امام الناس ؟

ملاحظه مزق البجاما الي كانت لا بستنها وسبب لها جروح في جسمها والم في الجهه اليسرى من الوجه والعين اليسرى


والامر هو انه سبب لها جرح عمييييييييييييييييق في القلب وحزن و ضيق شديد


الله يهديه