هلا بنات سمعت سالفه اليوم مت ضحك عليها يقولون من زمان مره رجال متزوج حرمتين وكان شديد مرره وكانو ساكنين مع حمولتهم يعني الرجال مع اهله ساكن المهم بيوم غلطت وحده منهم وبغى يأدبها بس مايبي يفشلها قدام اهله قام ناداها قال فلانه الحقيني بالمزرعه والثانيه تسمع قالت سم والحقته يوم وصلت عنده طقها طق لين عضت الارض يوم خلص قامت ونفضت ملابسها من الغبار ورجعت للبيت عادي لين الثانيه جالسه على اعصابها تحتري قامت وسالتها قالت فلانه وش يبي بك ابو فلان قالت المطقوقه ابد ناداني وقعدنا تحت ظل النخل وعطاني شلخة جنب طريه( قصدها قطعه لحمه مطبوخه)جايبيها لي من بيت فلان يوم غارت الثانيه وراحت له بالمجلس قالت زي ماسويت لفلانه قم سولي قال يابنت الحلال تعوذي من ابليس قالت ابد ولاعلي منك قم هالحزه مافيني صبر وحاول فيها وهي مصره قال يالله قومي وراح بها للنخل و طقها طق لين عضت الارض على قولتها زي فلانه ههههههههههههههههههه شفتو غيرة الحريم عمياء وصار الحين لين بغى احد يطق احد يقول يبيلك شلخة جنب صراحه مسيكينه هالحرمه رحمتها ,,,
تعليقاتكم ياحلوات...
ليله من عمري @lylh_mn_aamry
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
تذكرت قصه واحد عنده زوجتين
وعنده ونيت غماره وحده
فجلس وحده جنبه وحده راحت بالصندوق
كان اللي بالصندوق تدعي عليهم تقول إن شاء الله تنقلبون
طبعأ اول من بيطير لانقلبو هي