السلام عليكم ورحمة الله وبركاته
زي ما قرأتوا في العنوان , دي هي الصفات الرئيسية في شخصية أبن أخي
هو عنده 3 سنين وكان هادي وفي حاله وهو صغير وبعدين شوية شوية بدأ يتغير
يتنرفز ويتعصب على أتفه سبب والان أصبح غاضب دائما وأبدا وبدون أي استفزاز من ناحيتنا
ولما بتجيلة (موجة الغضب) كما أسميها يكسر كل حاجة ويضرب الي حواليه ويشتم اخواته
وطول الوقت بيضرب أخته الكبيرة, وبنت خالته الي أصغر منه
ومؤخرا حركته بقت زيادة جدا عن الأول وبيتنطط طول الوقت
ليه أخت أكبر منه وأخت رضيعة
واحنا أصلنا بنتعامل مع الاطفال بحنية مش من النوع الي بيضرب جامد أو بيدلع جامد
ومامته وباباه حاولو معاه كل الطرق
العقاب مبيجيبش نتيجة أبدا
الفسح والخروج بيرجع منهم متضايق وغاضب و طاقته زايدة بطريقة فظيعة
نحاول نفهمه بالكلام يفضل يسمع بهدوء وعقل ويوافق على كل الي بنقوله وبعدين يعمل الي هو عاوزة في الاخر ويرجع للعنف والغضب
المشكلة اني مش فاهمه هو ليه دايما جواه كمية الغضب دي
وبنحاول نكلمه بس مبنوصلش لحاجة
هو على فكرة ذكي اجتماعيا جدا , والوحيد الي بيسمع كلامه شويه هو باباه
المشكلة الأكبر ان والده مسافر حاليا لمدينه تانيه وبيرجع اخر الاسبوع بس
وبالتالي حالة ابن اخي ده سائت كتيييييييييير عن قبل كده
وبالمناسبة احنا بنرقيه باستمرار وسورة البقرة بنشغلها كل يوم في البيت
أنا بجد قلقانه جدا عليه ومش عارفين نتصرف معاه ازاي
ياريت اي واحده عمدها خبرة أو تعرف تفيدنا برأي متبخلش علينا
وربنا يهدي أولاد المسلمين أجمعين يا رب
nodo @nodo
عضوة نشيطة
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️