غالب المشاكل بسبب تفكيركم السلبي

السلام عليكم ورحمه الله وبركاته
يابنات عالم حواء وربي اوجعتو قلبي كثير غالب مشاكلكم بسبب تفكيركم الناس تحمد ربها علي النعمه والصحه وانتو ابي اسافر والا طلقني فلانه اخذت شنطه ماركه تشتري لي زيها وفلانه وعلانه طيب وبعدين والمشكله السفر يبونه فقط لانه فلانه سافرت مو عشان تغير جو مع عيالها وزوجها
ومن قال مانبي نسافر كلنااااااااااا انا اول وحده ابي اظف قشي واسافر بس الحمدلله علي كل حال مايقدر زوجي خلاص انطق واجلس محلي مو اخر يوم بالدنيا ولا بموت ولا بتنتهي حياتي عشان سفره وربي من قبل رمضان للحين يوم واحد فقط رحنا البحرين والحمدلله خير وبركه ليه تعقدون الأمور زوجك وعيالك معاك لو بحديقه احلي جو واحلي جلسه مو شرط بباريس والا سويسرا اهم شي انتي وعيالك وزوجك ومن يعز عليك بخير وصحه وسلامه وقلوبكم علي بعض
ماانكر بعض الرجال الله معطيه ومقصر الي كذا عادي خل زوجته تفقع راسه لين يسفرها بس اذا هو علي قد حاله من وين يجيب والا يحمل روحه ديون وبعدين تقعدي تبكين انتي وعيالك عشان البيت ناقص يابنات كبرو عقلكم تذكرو قبل لا نتزوج كنا ندور الستر فقط وواحد يخاف الله فينا والحين كل هذا مش مهم اهم شي نسافر ونكشخ ونلبس ماركات غيرنا ميت جوووع وملابسهم مقطعه خافو الله برجالكم وبنفسكم وبعيالكم حتي الي عنده قيمه السفر خلوها ذخر لكم ولعيالكم ولليوم الأسود وربي حرام اعرف عايله سفرتهم تقول اختهم ب70 الف ويوم رجع ابوها كل شي بالبيت ناقص ومصروفهم قلله ومافي طلعات بس اهم شي سافرو وورو الناس رحنا النمسا طيب وبعدين ليه كل هذا بس عشان الناس يدرون تري الناس مابيعيشون معاك ولا بينقص عليهم شي بالعكس بيناظرونك ويحسدونك وخلاص بكره ينسوك كبرو عقولكم وربي جلطوني من تصرفات البعض منكم لدرجه ممكن تطلق بس عشان ماسفرها سلامااااااااااااااااااات وش صاير بالدنيا
انتبهو لعمركم وحياتكم وعيالكم خلونا نقتدي بامهات الأول حتي لو رجالنا مايستاهلون كل وحده تسوي باصلها ولا تحمل زوجها فوق طاقته بس عشان الناس يقولون فلانه سافرت والله ماقلت هالكلام الا من حرقه قلب عليكم انتو خواتي وابي مصلحتكم وادعو لي تتحسن حالتنا وربي يرزقني الذريه الصالحه تري انتو بنعمه كبيره احفظوها لا تزوووول