غالياتي مالي غيركم بعد رحمة ربي ..

بسم الله الرحمن الرحيم..
شخباركم يابنات؟ الله يوفقكم ويسعدكم جميعا ويبعد عنكم شر كل من فيه شر ويحفظكم من كل مكروه قولوا آمين..

غالياتي..لما لمسته منكن من حسن الأخلاق والتعاون والروح الأخويه وحب الخير..
ارجوا منكن الدعاء لي بتيسير اموري وان يرزقني الله الزوج الصالح التقي النقي حسن الخلق والخلق اللي يسعدني ويهنيني ويعوضني عن كل لحظة تعاسه شفتها بحياتي..

بنات انا من كنت بالكليه وأنا انخطب بس سبحان الله ربي ماكتب للحين ..وقبل العام الماضي انخطبت وحللت وسويت شبكه ولبست الفستان وفرحت وجابوا لي المهر بس من بكره دقت علينا وحده وقالت لنا فلان ترى كان فيه الشئ الفلاني تخيلوا اختي الصبح تدق تقولي عاد اخوي يوم درى قال ماتاخذه لو على رقبتي وصارت مشاكل المهم رجعنا لهم كل شئ فلوسهم وشبكتهم ..وابوي وامي ياحياتي مقهورين عشاني انا والله يابنات عارفه ان هالشئ فيه خير لي صحيح ضاق صدري بس عادي كملت حياتي..لكن امي وابوي للحين احسهم مو مرتاحين تخيلوا كل مافكر شوي أو اهوجس علطول امي تقول وش فيك وش تهوجسين فيه وكل مره اسمع ابوي يحكي على اخواني يقول بنتي مب صاحيه حسبي الله على من كان السبب..
انخطبت بعدها كثير بس يايجون ومارتاح لهم او يدقون يخطبون ويختفون:(
بنات طلبتكم تدعون لي عسى ان تكون احداكم مجابة الدعوه ..خاطري اتزوج بالعطله هذي اللي بنص الترم الثاني من يوم حطوها وانا عاجبتني ودي يكون زواجي فيها..يارب لاتكسر لي نفسي وتحقق لي ماتمنين انا وباقي البنات..
يارب ابي الستر والحلال ومابي غير الحلال ..
أدعوا لي ولكم بالمثل ..
احبكم في الله:)

عاد تدرون اللي خلاني اسجل بعالم حواء هو تجمع العرايس بمنتدى الأزياء وتجهيز العروس عيشوني جوهم الله يبارك لهم ويتمم لهم بخير يارب