حقيقه علمية ان القطط تعود الى المكان بعد فترة طويله عن طريق الشوارب فلا تقلقي

يمه صراحه شي غريب لكن الأغرب منه الموقف اللي ذكرتيني فيه الله يهداك بس ..
الحين أنا كيف أنام بس يممممممممه .. تصدقون لما كنت في الإبتدائي كانت عندنا قطوه
كنا نقول لها الدلوعه المنقطه من كثر مياعتها بس كنا نموت فيها أنا وإخواني وأمي
ماتطيقها .. إذا جاء وقت الغدى تجمعنا تقولين ميتين جوع وكله عشان عيونها نجمع لها
من هاللحم ونركض نجدعه عندها وتجي تاكله كنت أجيب لها كوسه تموت فيها ومره وانا
في أول متوسط أرمي لها الكوسه وهي تطالعني وتقول مييييييييييو بمياعه خيال وأطالعها
وتغمز لي بعينها طيرت إعيوني قلت يمكن حركه عفويه وأنا قلبي خارطن طبلونه تقولين
ساقطه والوالد يناديني يبي الشهاده قسمن بالله إني ناظرت فيها مرة ثانيه وحطيت عيوني
بعيونها وإهي تغمز لي بعينها وأنا أجدع عليها اللي بيدي مرتن وحده وأنقز ذيك النقزه إليني
بحظن الوالد مسويتن فيها رومنسيه أجدع عليها الكوسه وحده وحده ودي أطول معها وشكلها
إدخلت جو بنت الحلال بغت تجيب لي جلطه ..المهم أمي رمتها بالجزم وإنحاشت وكل يوم تخطم
بس إفلقوني لو أمر من عندها .. وحصل ونقلنا من بيتنا لبيت ثاني بعيد والله اللي لاإلاه سواه
إنه بعد فتره يمكن ست إشهور متسدحين أنا وخواتي في غرفتنا بالدور الأرضي وإلا القطوه
اللي لازقه بالدريشه متمدده بين السياج والقزاز وش طولها وإذنها لاصقه بالقزازه واللي
يحرمني صحتي إننا نشوف تفاصيل إذنها ونطقها بيدنا وماتحركت وتروح أمي وتطلع لها يوم
ناظرنا إلا هي هي رفيقتنا بغينا نهج للشارع من الروعه بس مسكتنا أمي .. ورمت عليه الجزم
وإنحاشت ولا شفتها بعدها إلا مرة وحده وهي لما كنت بثاني ثانوي صادتني عين في بشرتي
وشفايفي ورقبتي حساسيه فجأة بعد زواج خالي بيومين بغيت أنجن من الحراره ولما رحت
للشيخ قال عين وعطاني سدر وملح وزيت مقري عليها وقال تروشين بالسدر في مكان طاهر
رحت في الحوش بالليل وعلقت زي الستاره وأنا علي ملابسي الداخليه وقعدت أطافح
بهاطشت تقل بزر ومادريت إلا الطربقه والركض اللي من فوق راسي علي البايكه وإلا اللي
نط قدامي ومعطيني وجهه جاين يركض لمي خارط طبلونه تقل ملحوق واطالع وإذا هي القطوه
رفيقتنا من الروعه قمت أرش عليها بالطاسه من السدر ماأقدر أنحاش إنشليت وصعبه أطلع
وإثيابي مثل وجهي وهي تروح يمين ويسار تبيني وتناظرني وتخزني تقل بتاكلني وأصارخ
وأرش عليها لين إنفتح الباب ولما سمعت صوت الباب إنحاشت .. أقسم بالله إني بغيت أنجن
إهبلتني وكرهتني أنا وكل أهلي في القطاوه الله لايعيدها وعندنا قناعه إنهن يفهمن العلم ومو
طبيعيات أبد وأغلبهن مسكون يمه أسكر الكمبيوتر أحسن لي بااااااااااااي ..
نسيت أقول ( وربي إن كل اللي كتبته صدق عسى الله ياخذ عمري لو كذبت بحرف )..
بااااااااااااااى

رهيبه
ياحب للقطط وبالاخص شيخهم هذا اللى قدام عيني
الحيوانات غيرنا حواسهم قويه وبعدين يعتمدون على حاسة الشم فى التعرف لاتتركون سندريلا مره ثانيه حرام اذا ناوين على سفر كلموا العياده البيطريه ترى يحطونها عندهم ويعتنون بيها وطبعا بفلوس .. الله يسعدك