أستاذه قلق @astathh_klk

محررة

غامرت وتهورت وقصيت شعري بووووووووي

السلام عليكم ورحمة الله وبركاته

في البداية ابقولكم إن شعري الله يخلف كان اذا جلست أجلس عليه << هذا في الإبتدائي وكان كثيف يارب تعوضن بأخير منه تصدقون إن المدرسات كانوا يدخلون جديلتي تحت ملابسي بحفل الأمهات:44:

المهم رحت للمتوسطه وكان زواج لخالي وكنت ملزمه أبي تسريحه مثل خالاتي وبنات خالاتي وكانت الكوفيره تسويلي تسريحه وطولت ع شعري وعصبوا خالاتي وقالوا استعجلي وراك خمسة قالت وش تبوني اسوي ذي شعرها كثير وطقتني من راسي وانا ماقلت شيء لأني كنت بأول متوسط وهمي إني اسوي تسريحة ( تخيلوا ماذكرت اسم الله)..

ومن بعد زواج خالي وشعري طياح بطياح لين أمي قررت تقصه وقصيته إلى نص ظهري ثمن إلى رقبتي ثمن اقصر وع فكره كنت فرحانه لأني صرت امشطه واسوي فيه حركات مع العلم إنه مستمر بالتساقط لين بداء يخف شعري.

تزوجت ومن بعد زواجي ووحمل وولاده قرعت رسمي من مقدمة الرأس وصارت الفروة واضحه.

طبعاً التفاصيل تطول لكن حبيت أعطيكم المهم وع فكره صبغت شعري 3 مرات من بعد زواجي غير الإستشوار والإهمال الي جاه..

لكن الي ضيق صدري وخلاني افوق لنفسي إن شعري صار مايتحمل أي تسريحه أو أي بكل أو حتى استشوار24 ساعه مجعدته أو رافعته بشباصه:icon33:

فقررت برمضان هذا إني اعتني بنفسي يوم قريت خلطة المشاغبه الي بالثوم قصتها عطتني أمل الله يسعدها وكنت مقرره إني اسويها ونمت ذاك اليوم وجتني عجوز بالمنام وقالت يابنيتي حطي زيت زيتون وعسل..

قمت من النوم وإلى الحين مازلت أذكر الحلم للعلم إن حلومي قليله وإذا حلمت يتحقق حلمي ياما دريت عن أحداث بسبب أحلامي الحمدالله لك يارب..

المهم قمت من النوم وقررت أسوي بنصيحة العجوز لكن قررت اني ادهن بالزيت وأكل العسل..

وبالفعل بديت وسويت لي برنامج من رمضان وأنا اسويه مع الفيتامينات وغير كذا رجعت لنصيحة أمي والحين أبقولكم وش صرت أستخدم:

1/ أستخدم حناء أصلية جبتها من القصيم ( شغل يدين جدتي الله لايحرمنا منها ) يعني قطف وطحن جدتي أعجنها مع موية أنا قارية فيها وأخليها تخمر وأحطها على شعري كل 10 أيام يعني 3 مرات بالشهر ولاتسألوني كم المده على حسب المزاج واغسلها بمويه بس والريحه جنان << أحب ريحة الحناء.

2/ زيت زيتون أصلي من فلسطين الله ينصرهم ويفك أسرهم مقدار قارورة زيت الوزير + ملعقتين كبار محلب مطحون وهذي نصيحة أمي وجدتي وأمها وووو وإن نزلوا ( محلب الي لو حطيتيه على راحت ايدك نبتت ) + ملقه صغيره رشاد ( بناء ع خلطة الأخت ملكه روز وهذا رابط موضوعها ) وطبعاً قريت فيه الرقية.

http://forum.hawaaworld.com/showthread.php?t=2568527

3/ محلب مطحون كذلك منقع مع ماء مقري فيه فقط احطه على شعري بأبرة الدواء واوزعه واسوي مساج وهو عباره عن مويه ينشف بسرعه مايطول ومعروف فوائد الماء للجسم وغير كذا معه محلب.

4/ كريم الأبيض أبو ورده للتمشيط بعد غسل الشعر من الحناء بالماء اترك ينشف وبعدين أحط منه .

5/ زيت فازلين تونك وهذا بعد أي شاور بالشامبو أمسح مسحه منه ع شعري.

6/ فيتامينات (seven seas) (stresstabs)وعسل.

طبعا الجدول كالتالي :

كل عشرة أيام >>>>>>> حناء + كريم الأبيض أبو روده.

يومين بالأسبوع >>>>>> زيت الزيتون مع المحلب والرشاد.

كل ما بغيت اتروش وشعري ماكان في زيت أو حنا أحط قبل الترويش بساعه أو ساعتين ماء المحلب وكل مانشف حطيت مع المساج.

كل بعد ترويشه >>>>>>>> مسحه زيت فازلين تونك

كل يوم >>>>>>>>> فيتامينات ( وع فكره أكلها ونزل وزني فوق 5 كيلو ماشاء الله ) وعسل.

بعد هذا كله جينا لقصة العنوان :time:

تحمست إني اعتني فيه وكان برمضان شعري لين كتوفي و بعد العيد غامرت وتهورت وقصيت شعري بوي علشان إلاهتمام يكون سهل ومايهمني الطول أهم شي ينبت لي شعر جديد..

ما أخفيكم إن شعري كان جاف لكن الحين أحس فيه بحيويه ونعومه..

أول ما احط الزيت يصدع راسي وهذا دليل إنه المسألة فيها عين الله يشفيني..

وع فكره أحس بحكه براسي ويعور شوي خفت يكون قمل لأنه منتشر هالأيام لكن يوم كشفت علي أمي وشغالتي قالوا مافيه شي قالت أختي يمكن بينبت لك شعر جديد زي شعر اليد إذا جاء يطلع يارب تكرمني..

وأهم شيء التوكل ع الله ومن توكل على الله كفاه..

حبيت أفيدكم بتجربتي والي بتغامر وتبوي حياها الله :35:

حبيت أفيدكم وراجية دعواتكم..
.
.
.

يلزم عليك تسجيل الدخول أولًا لكتابة تعليق.

تسجيل دخول

بنت الـــــــــعرب • 13 سنة

الحمد الله على السلامه ياختي

العين حق

اقري على نفسك المعوذات لاجيتي طالعه لمكان

ام نوسه الحلو • 13 سنة

الله يشفيك ويرجع لك شعرك احلى واحلى وجزاك الله خير

هيووووونة • 13 سنة

مشكوره ياقلبي الله يشفيك يارب

بنوتي هي دنيتي • 13 سنة

يارب ياجبار اشفها شفاء لايغادر سقما ونبت شعرها كما تنبت الارض واجعله يا الله ياقادر شعرا حسنا وغزيرا كما رزقت الاقرع وححققت امنيته التي تمناها
حقق لي ولها مانريد وانت تعلم مانريد وتعلم انا نعجز عن تحقيق مانريد وانت فقط سبحانك تقدر على مانريد ‏...‏ اللهم صلي وسلم على اشرف خلقك محمد النبي الصادق الامين بعدد ماذكره الذاكرون وغفل عنه الغافلون ‏...

بنوتي هي دنيتي • 13 سنة