غايتي جنتي

بداية المشهد فتاة متزينة بشكل مبالغ اسمها فرح وتلتقي بجارتها يقين وتبدأ فرح بالسخرية من يقين " هلا هلا بالشيخة يقين ع وين العزم يا شيختنا هههههه
يقين : وعليكم السلام ورحمة الله وبركاتة يا فرح الحمدالله أنا بخير إنتي كيفك
فرح تقول بصوت واطي بدينا بدورس الدين تبعونها. : أنا عال العال وكتير مبسوطة
يقين: واضح من لبسك وشكلك هالمرة فرح ولا خطوبة
فرح: هههه لا طشة بنات وانتي بدون ما أسأل أكيد رايحه علي بيتك الثاني مسجد الحارة والله صرت أشك انه هو بيتكوو من كثر ما بشوفك بتطلعي منه
يقين: أولآ المسجد بيت كل المسلمين مش بس بيتي وبعدين أنا بروح هناك بحفظ قرأن بحلقة عزم الصادقين وهناك في دورة أحكام مشان أقرأ القرأن بصورة صحيحة كما قال الله تعالي "ورتل القرأن ترتيلا " بعدين انتي بتحكي بتشوفيني وأنا طالعة من هناك طيب ما فكرتي مرة تزوري المسجد وتتعرفي علي الناس اللي فية
فرح: هههه أنا اروح هههه ويصيروا يحكو عني الشيخة فرح راحت والشيخة فرح اجت لا لا بعدين أنا مش فاضية وما عندي وقت وبقرأ أحيانآ قرأن بالبيت
يقين: شو هاد أحيانآ هاد هو هدف حلقة تحفيظ عزم الصادقين أنه تزرع في نفوس الحفاظ حب القرأن والمداومة ع قراءته مش أحيانآ بعدين انتي بتحكي انك مش فاضية ههههخ الله يصلح حالك ضحكتيني كيف مشغولة وانتي ما وراكي غير فرح فلانة واشهار علانة وطشة مع بنات أخريتهم راح يضيعوكي لا تضيعي الفرصة من ايدك لسه الطريق قدامك
فرح: انتي قولتيها لسه الطريق قدامي وان الله غفور رحيم
يقين: صحيح ان الله غفور رحيم كمان ان الله قوي شديد العقاب. وحفظ القرأن والذهاب للمسجد اصطفاء من الله بختار الله الناس الصادقة بالتوبة وبنية صادقة جايين للحفظ مش بس مشوار طريق أو قضاء بعض الوقت
فرح: طيب طيب ماشي بفكر بالموضوع مع صحباتي
يقين: والله ما راح يضيعك إلا صحباتك الصديق الصح هو اللي بدل صديقة ع طريق الهداية والتقرب لله هاد هو الصداقة اللي بين طالبات التحفيظ مش طريق الأفراح والطلعات وصدقيني راح يجي اليوم اللي تشوفي الطريق الصحيح وتندمي ويكون فات الأوان وفش مجال للرجعة الله اعطكي فرصة لا تضيعيها من ايدك
وتختم المشهد بوضع يقين يدها ع كتف فرح بهدف زرع الثقة وفرح تنظر إلي الأرض بحسرة