غبائي وطيبتي الزايده وصلتني لهالمرحله

مرحبا بنات كيفكم
الموضوع ومافيه ان انا طيبه زياده عن اللزوم ماعرف اقول لا الكل يحبني بس للاسف استغلال المهم انو من طيبتي الزايده صار زوجي يضربني وطمع فيني ويسبني يقول انتي شخصيتك ضعيفه ماتطمن ع عيالي وصارت مشكله بيني وبين اخته قال تستاهلي اللي يجيك انتي انسانه الكل طمعان فيك بعد ماقال لي كيذا قويت نفسي ورديت ع اخته وكبرت المشكله بس اخذت حقي منها بلساني وبنفس اسلوبها وقلت ها ارتحت الحين وسكت طبعا يوم كبر الموضوع حطها براسي وهو طلع نفسه لان شخصيته ضعيفه عند اخواته بس ماهمني اهم شي اخذت حقي ومن بعدها استقويت وماتردد بالكلام اي احد يتكلم ارد عليه بعشر
المهم ان زوجي مستمر بالضرب والسب غير فلوسي اللي ياخذها بالغصب
زوجي يسب اهلي ويلعن فيني وفيهم بس بوجههم شخص ثاني
طبعا صارت مشاكل كان هو مخطي فيها اول مره طلقني ووداني لاهلي المره الثانيه رحت لهم زعلت منه بكل المرات كان يعمل المستحيل علشان ارجع لما ارجع لشخص ثاني طيب وحنون بس بعد شهر يرجع لوحشيته واهلي كانو حاطيين يمين مارجع له بس علشان الصغار
انا من كثر مااسكت له وماطلع مشاكلي برى حسنت صورته عند اهلي ووهو بيسوي عزيمه كبيره لابوي ابوي شخصيته قويه والكل يهابه وهو يصير كنه بس عند ابوي
تعب قبل يومين وابوي وامي خافو عليه يتصلو يتطمنو عليه اليوم الثاني صار بيننا تتش وقام يسب ابوي واهلي حسيت اني مغفله ابوي وامي يرحموه وهو يسب فيهم كثير يهددني بالطلاق لو سويتي كيذا انتي طالق اي شي مايبغاني اسويه يربطه بالطلاق قلت مادام ذي علومك والله لاروح لاهلي بس يخلصو عيالي الدوامات
انا زمان اعطيته فلوس على انهم سلف ولي اربع سنوات اطلبه واليوم قلت ابيهم اسناني توجعني قال ثاني مره تطلبيهم اطلع ورقة طلاقك تنطمي ولا كلمه مالك ولا ريال عندي
انا عندي اربع اطفال اصغرهم 4 سنوات افكر كثير بالطلاق ماقدر اعيش معاه تعبت من الصبر صار يقول الله يعدي عزومة ابوك على خير قلت دامك تسبه بظهره ارتاح لاتسوي له عزومه قال عادي احب اعشي الكلاب قلت ايش مارد احس اني لو قلت لاهلي عن كلامه ماراح يصدقوني






موضوعي للفضفضه لان ماله حل الطلاق