تدرين وين المشكله ؟

قلة ثقتك في نفسك بالاضافة لتأثرك بالكلام السلبي من المحيطين فيك وللاسف تسمعين السلبيات وتصدقينها وهذا انعكس عليك

صرتي تنظرين لنفسك بإنك غبيه قليلة فهم ..... الخ من الكلمات السلبيه اللي يصفونك فيها .

بتقولين طيب وين الحل وكيف اعالج المشكله ؟

بقول الحل عندك انتي فقط ، لازم تحترمين نفسك وتحبين نفسك مثل ما انتي بكل صفاتك ، ولا تسمحين لاحد يقلل منك وكلامهم اسمعيه واضحكي عليه وطنشيه .

طيب واذا كنتي قليلة فهم وغبيه على قولهم وين المشكله ؟! ماهي نهاية العالم ومافي انسان يشبه الثاني وكل شخص له اسلوبه وشخصيته وله قدرته مو شرط تشبهين غيرك وتكونين نسخه مكرره منهم .

وبخصوص مواجهة الناس وفن الحوار ببساطه تقدرين تتدربين وتطورين نفسك وبالتدريج راح تكتسبين جرأه .

اجلسي مع نفسك وتكلمي بصوت مسموع وعبري عن موقف او ناقشي فكره او موضوع كأنك تخاطبين شخص امامك كرريها يومياً وبتشوفين انه مو ناقصك شي ولسانك طليق لكن مشكلتك كانت في قلة ثقتك في نفسك وبقدراتك بسبب انتقاد المحيطين فيك .

وعلى فكره الصمت والانصات احيانا حكمه مو شرط تكونين ثرثاره عشان يرضون عنك الناس ، اهم شي انتي مقتنعه بشخصيتك لانه يمكن شخصيتك تميل للهدوء وماتتكلمين الا للضروره

ابدأي من اليوم لاحظي على نفسك واحسبي مميزاتك وقدراتك الكثيره وراح تكتشفين انك كنتي ظالمه نفسك بنعت نفسك غبيه

لو كنتي غبيه وقليلة فهم ماشفناك هنا تكتبين وتعبرين عن نفسك بطلاقه .




الله يشرح صدرك وييسر امرك

انتي ذكيه...وانسانه رائعه ماعليك من احد

بالعكس من كتاباتك يدل على انك انسانه رائعه جدا
واللي يقولون لك كوني خبيثه اسفهيههم
الخبث عمره ما كان صفة حميده ابدا ولا عمر الخبث كان فيه خير لمن هو فيه
خليك طيبه وعلى نياتك وربنا دايم يعين الانسان الطيب
اهم شي خليك واثقه من نفسك وان طيبتك وأخلاقك وسكوتك عن الهذره كلها مميزات وليست عيوب

في كتاب اسمه كيف تجذب الناس كالمغناطيس
يتكلم عن بعض الخطوات والامور في التعامل مع الناس
حلو الكتاب واسلوب الكاتب مو ممل
كل يوم تقومي من النوم طالعي بالمراية قولي انا ذكية وكرريها كثير مع الوقت تأثر كثير بمعنوياتك
ايضا في نظرية 21 في 14 ابحثي عنها وطبقيها وبإذن الله تجيب لك نتيج
اكتشفي نفسك شوفي نقاط القوة عندك انتي بايش تتميزين فيه وادعمي نفسك
بعض البشر شطار بس في الكلام لكن في الافعال لا وهكذا لا يغرك هكيهم
تذكري قصه الضفدع الاصم لو سمع للناس ما وصل لهدفه ومبتغاه بعكس الضفادع البقيه
يعني بإختصار ... تجاهلي

هههههه هذا وانتي غبيه كلامك كذا..كيف لو ذكيه كيف راح تعبري وتكتبي ماشاءالله
واضح انهم بيغاروا منك وواضح ان ثقتك شوي ضعيفه بسببهم