غثني بكلامه واهله غثونيي.تعقيب/يمنع فتح موضوع استكمال لآخر مازال مفتوح

السلام عليكم..
قبل كم يوم نزلت موضوع ان اخو زوجي وخواته بيجون لعندي
طبعا الي صار انا وزوجي متزعلين ومانكلم بعض بسبة ان زوجي غلط على بالكلام ..
وزي ماقلت لكم بالموضوع الاول اني انا جهزت المجلس لضيوف ينامو فيه وزوجي ماعجبه يبغهم ينامو مع عيالي بغرفتهم بس انا طنشت وقلت له ماراح احد ينام مع عيالي ..وتركت السالفه قلت لين يجون ربي يحلها..
الي صار انهم قالو بنجي عندكم في ليل .وانا نظام نومي انام الفجر واصحى الظهر..انا وعيالي ..
الي صار انهم قررو يجون الفجر ..بس مااعطوني خبر انهم جاين الفجر...انا جهزت بيتي وكل شي جاهز من ليل لاني قلت بصحى ظهر وكل شي مرتب وبليل استقبلهم..بيومها كان زوجي عندو دوام..
الي صار انهم مشو وصلو ع 6 صباح لعندنا ..زوجي كان بدوام ..وانا نايمه ..اخو زوجي دق ع زوجي قال دام انت في دوام خلاص بجيب خواتي عندك وانا بروح لبيت قريب لنا في نفس المنطقه طبعا قريب لهم من درجه الاولى..كنت نايمه فجاه زوجي يدق واصحى وانا بعز نومتي قال افتحي الباب اخواتي عند الباب واخوي بيروح وزوجته بيروحن لقريبنا فلان وليل بيجون عندنا..طبعا قفلت منه رحت فتحت الباب استقبلتهم ..وجلست معهم ساعتين ..بعدها قلت تفضلو المجلس جاهز نامو فيه..راحو نامو..دقيت ع زوجي قلت له يعني وش كان صار لو اخوك اخذ خواته معه لبيت قريبكم ..وجو كلهم بليل ..دام اخوك ماهو ناوي يدخل البيت الا وانت فيه ليش يجي ويدق علينا من صباح الله ويزعجنا..زوجي مارد على ..طنشته حاولت انام ماقدرت ابد خلاص وقت نومتي عدا..المهم مشيت سالفه استقبلت ضيوفي وصحيو وجهزت لهم اكلهم وجالسه معهم..لما رجع زوجي من دوام ..وانا جالسه معهم يسالهم اكلتو شي ..زي الي يقول فلانه ضيفتكم...انا سمعته وسكت اخته ردت قالت ايه تغدينا وتقهوينا..شوي زوجي قال واخوي فلان ليش سحب عليكم..خواته ماردو عليه. طبعا اخوهم سحب عليهم لان ..تخاصم مع امه
.جلسنا شوي الا جات اخته قالت يا ام فلانه اخوي وزجته بيجون قلت حياهم الله..طبعا جات سلفتي وزوجها..وطول الجلسه جالسه تتكلم كنت اتمشى ورحت ورحت ..تبى تغثى خوات زوجي وتبي تبين لي اني شوفي رميتهم لك وزوجك يتحملهم ..لان اصلن جابتهم معها وهي ماتبغهم.انا ماعلى منها ..ولا على من خوات زوجي ..وبقولكم شي خوات زوجي صح اني كنت مغثوثه منهم بس لما شفتهم ربي نزل السكينه ع قلبي وحسيت براحه ..ويشهد الله على اني ماعملتهم الا زي خوات ..وفتحت لهم مطبخي والبيت كله مفتوح وشافو انو الشقه ضيقه وماتتحمل عائله كبيره..وام زوجي دقت على وقالت يافلانه سامحينا البنات ازعجوك في صباح وسبب من فلان.تقصد ولدها..وجلست تشكي لي من ولدها هذا وزوجته وانهم زعلو عليها ليش..قالت لهم بمسك لكم بنتكم ..وبعدين ماقدرت تمسكها لانها تعبت ..
طبعا ام زوجي من اول هي وخواته يغثوني وانا اسكت وكنت فاتحه لهم شقتي الاول ..ونقلت منها وكلهم قالو ليش نقلتي بس مايعرفون سبب.. انا نقلت وحبيت انهم يفهمون اني تعبت..
واحيان كنت اتكلم والمح اني تعبت بس يزيدون على الغثى
انا رجعت كتبت موضوعي ..لان في ردود قالو اني غلطانه وان وان وان...
انا من يوم قالو بنجي وانا ادعي ربي يشرح صدري وادعي ان ربي يصرف عني شرهم..وحمدالله ربي بين لهم معدني وبين لهم معدن اخوهم وزوجته..
وع فكره سلفتي بعد ماجات عندي وسهرت وغثتهم راحت هي وزوجها تكمل السهر وتماشي برا وتركتهم ولله ولا قالت اطلعو معي ..وانا عشان تشوف ان مالها مكان عندنا اخذتها وقلت يافلانه تعالي شوفي البنات كلهم نايمن هنا ..اذ بتنامي ..نامي معهم..وطلعت وراحت وهي مرفوع ضغطها...
وبنسبه لخوات زوجي ..زوجي قاعد يطلعهم ويرحون ويجون وانا مطنشني وساحب على...
وخواته شكلهم حسو انو بينا شي بس ماتكلمو...
وفي شي بقوله خوات زوجي هالمره معي غير قسم يعملوني كني اخت لهم ..مافي ولا مغثه جاتني منهم .وامه كلمتني وكنها حاسه بندم ... انها ضغطت ع زوجي وهي عارفه ضروفها وعارف وضعنا ..