غثيان الحمل

بنات عيدكم مبارك ممكن استفسار
اني حامل توني داخلة الشهر الثاني
الحمدلله لمن اكعد الصبح ماعندي غثيان ولا اشكي من شي
بس لمن اكل مثلا وجبة الغداء احس روحي تريد تطلع
ابقى هيج نص ساعة ساعة وتروح ولا كانو بية شي
وابقى طول النهار مابية شي
ولما يجي وقت العشا واكل نفس الشي ترجع الحاله ويمكن اسوء من الضهر
ولمن اكل شي خفيف سناك او فاكهة بسيطة نفس الشي ومجرد مايستقر الاكل بطني تروح الحالة 😂 بلا عليكم ممكن جواب منو صاير وياها هالشكل وتتوقعون جنس الجنين اله دور
لان في بنتي ماكنت هيج صحيح بدا التعب مبكر عندي بس مجرد حموضة كانت مستمرة من قبل موعد الدورة تقريبا لاخر فترة الحمل ولا فكت مني
وجع المعدة تعبني كلش بنتي وكرهت كل الاكل
وبس اكل فواكه حاليا كلش اكره البرتقال واحب الاجبان والحليب والاكل كله ماعندي مشكله ويا
بنات همتكم ارفعو الموضوع وجابوني ربي يبشركم بالخير