غثيان شديد جدا وفقدان الشهيه

السلام عليكم أدري طفشتكم مره بس وش أسوي مالي غير الله ثم أنتم أخواتي أنا لي أسبوع عندي غثيان شديد جدا والله ما أقدر أتحرك حتى الأكل ماأقدر أحطه في فم وأحس بستفرغ وما أقدر أكمله وكل من شافني قال مره مره نحفتيي أحس بمراره مره في فمي وحراره في جسمي بس مافي إرتفاع حراره والله يكرمكم يطلع بلغم شفاف وفيه مراره هذا غير فطريات الفم وقلت لأبويه أروح المستشفى ورفض قال تعبتينا وإنت مافيك إلا العافيه شكلك تتوهمين :44: وأمي حنت علي وودتني عند وحده من جاراتنا تمرخ يمكن في ناس ماتعرف وش يعني تمرخ يعني زي التدليك والمساج بس قوي مره وهذي الحرمه عندنا في الشمال ويقولون خبره ورحت عندها أمس والله باقي بطني يوجعني مكان يدينها الله يسامحها تقول المعده عندك مقلوبه :confused- وتقول لازم أجيها أكثر من مره وش أسوي بليز من مر عليها حالتي كان عندي قبل فتره جرثومه وأخذت حبوب وخفت تتوقعون رجعت والغثيان يكون منها ولا أراجع الحرمه هذي والله خايفه لاتلعب ببطني طولت عليكم اللي عندها خبره تفيدني وجزاكم الله خيرا .