اخباركم صبايا ان شاء الله بخير
انا من عشاق غداء كودو احلى شي عنده بالنسبه لي طبعا:35:
وهذي صورته
المقادير والطريقة:
صدور دجاج مسحب
ملح
فلفل اسود
فلفل احمر مطحون
بصل
مشروم(فطر) معلب
شوي زين
صحن صدور دجاج مسحب
نتبله بملح وفلفل اسود وفلفل احمر بودر
نخليه على جنب
نجيب بصلة متوسطة الحجم ونقطعها جوانح وفي تاوه شوي وزيت ونحط البصل الين يذبل
بعدين نحط نصف علبة المشروم بعد تصفيتها من مويتها على البصل مع رشة ملح دقيتين ونطلعه ونحطه بصحن جانبي
وبنفس التاوه بدون مانغسلها نحط عليها ملعقة زيت ونصف فيها صدور الدجاج
عشر دقايق مع كل جهه الين تستوي وتتحمر
نطلعها ونحطها في صينية فرن
ونفس التاوه نرش عليها ملعقة طحين وبيالة موية ورشة ملح وفلفل اسود ونحركها عشان نحصل على الصلصة البنية
نصبها على صدور دجاج
ندخلها الفرن ربع ساعه <<خطوه مهمه يتشرب الدجاج الصلصه ويصير طري سهل تقطعينه ولايتعلك معك وانتي تاكلينه
بعدين نحط عليه البصل والمشروم
ونرشها بشوي جبن كرافت مبشور وشوية بصل اخضر<<ماكان عندي بصل اخضر
ونرجعه لحرارة الفرن عشان يميع الجين
والبطاطس نقطعه شرايح ونقليه ونحطه بالصحن وجنبه ستيك الدجاج وجنبه خس مقطع كبار وخيار حلقات رفيعه
وطماط شرايح تكون السلطه مرشوشه بشوي ملح وفلفل اسود
والخبز المحمص توست حمصته بالفرن من الجهتين وقصيته
وسلامتكم
صورة ثانية
ولعشاق صوص كودو
مقاديره:
نصف علبة زبادي
ملعقتين كبار مايونيز
ملعقتين كبار خردل
ملعقه التتبيله الفرنسيه<ممكن الاستغناء عنها
رشة ملح ورشة فلفل اسود
وعصير ربع ليمونه
وسر الطعم في تتبيلة كودو هو<ربع فنجال سكر
تخلط مع بعض
وسلامتكم ياحلوات ان شاء تعجبكم
والله بالردود الحلوة
وفي قسم المقبلات راح تلقون ان شاء الله هذي السلطه راح انزلها
رولات الباذنجان:
والسلام عليكم ورحمة الله وبركاته