الوجبة الرئيسة عندي يا غداء يا عشاء وتكون من ثلاث انواع


الإيدام واسويه بكمية كبيرة جدة وأقسمه على قدور طول الأسبوع العيال ياكلوا منها بعد ما افرزنه.


السلطات لنفس اليوم لأَنِّي احبها غداء وعشاء


الكبسات ، اذا سويتها غداء مستحيل أسوي وجبة ثانية للعشاء يكفيني السلطة مع النواشف او البيض المطجن او بيض العيون للعشاء .


ونفس الشي العكس صحيح .


اغلب وجباتي تكون عشاء لان دوامي لين ست ونص المغرب بالتالي أجي أسوي عشاء ويكون غذاهم فطور متاخر

انا اصلا العشاء يكون خفيف اما فاصوليا او بيض او جبن ..... لان الكبسات بالليل تسبب سمنه

وعليكم السلام ورحمة الله وبركاته
موضوع حلوو
وبإذن الله نشوف أفكار متنوعه من البنات


فكره1 :
وقت الغداء نطلع دجاجتين مثلاً
وحده نسوي منها الغداء
والثانية نتبلها ونحتفظ فيها في الثلاجة
وقت العشاء نشويها بالفرن


فكره 2 :
إذا كان الغداء رز أبيض وإيدام خضروات
نزود شوي بكمية الإيدام
وقت العشاء نسوي قرصان

تتبيلة دجاج بسيطه ولذيذة
الله يجزاها خير اللي خبرتني عنها


نجهز التتبيلة عبارة عن :
عصير ليمون .. زيت زيتون .. فلفل أسود .. ملح
كمون .. قرفه مطحونه .. بهارات مشكله .. ثوم


وفيه طريقه حلوه نسويها عشان نضمن استواء الدجاج وتشبعه بالتتبيله :
تعرفون مطرقة اللحم ؟
نضرب الدجاجه ثم نسوي فيها شقوق بالسكين
نتبلها , نشويها بالفرن
الحجم الوسط والصغير ,, مدة ساعة تقريباً
الحجم الكبير ,, ساعة ونص تقريباً