فكرت وفكرت وكمان فكرت ما جاء في بالي شي
فتحت الفريزر لقيت صدور دجاج طلعتها وتركتها تفك من الثلج على بال ما افكر
في الاخير قررت اخبص والي يطلع معايه خير وبركه
نبدأ بسم الله
قطعت بصل وثوم وزنجبيل وحطيتهم في الطاوة
( ما عليكم من شكل الطاوة اكل الدهر عليها وشرب )
قطعت خضار اعواد (بطاطس - جزر - كوسه - ملفوف - فلفل رومي وفلفل حار)
فكرت كمان شويه قلت ليش ما اقلي الجزر والبطاطس :06: ذبحني التفكير امس
وهذي صورتهم بعد القلي
نظفت الصدور وقطعتها اصابع رفيعه شويه
طبعا الى الان انا مو عارفه اش حيطلع معايه عشان كذا انتظروا الرد الجاي :22:
واضفت الدجاج وقلبت شويات كمان
بعدين اضفت الخضار من غير البطاطس والجزر
وخليتها شويه تستوي
واضفت البطاطس والجزر
وملح وفلفل اسود وكزبرة مطحونه وخردل وخل ابيض وشوية صويا ( قايلتلكم الشغله تخبيص ) :angry:
وهذا شكلها النهاائي :icon28:
بس ما انتهى مسلسل التفكير
لاني رجعت افكر كيف ناكلها بالخبز
ولا مع رز ابيض
ولا اعمل اندومي واقلبها معاها ولا ولاو لا
اخر شي استقريت انه يسير ايدام صيني وناكله بالخبز اسهل شي لاني تعبت من كثر التفكيييييير :44: