غدانا النهاردة

السلام عليكم يا بنات احلى منتدى
النهاردة مزاجى وحش خالص و ماليش نفس اعمل لكل فقولت ادخل اخترع اى حاجة و زي ما تيجى بقة
اول حاجا احبااااط كان المقروض انى هاعمل فتة باذنجان بس قلبت معايه سلطة باذنجان بالرمان و لحد كدة كان معقول لحد ما لقيت نفسى حطيت كل دة غلى النار و مقطعة علية طماطم ..... ماشى شغال (على اساس انى كنت منومة مغناطيسيا :35::)
و بعدين خير اللهم اجعلة خير قمت حاطة صويا صوص و دقت :09:
و يا ريتنى ما كنت دقت
ي**** كل حرب ليها ضحايا
سيبكو من دى
قلت بقى لازم اعوض
لاقيت عندى صدور فراخ مخلية و متبلة


صينية الفراخ بالبطاطس


شوحي بصل جوانح خفيف مع 3 فصوص ثوم مفروم حتى احمرا سويا ( فصحى) و بعدين اضفت صدور الدجاج المخلية و المقطعة مكعبات و قلبت شوية حتى احمرت ثم البطاطس المقطعة مكعبات ايضا وقلبت جيدا شم وطيت النار و غطيت الخليط و جهزت فى الخلاط كوب لبن و 3 ملاعق مايونيز و ملعقة صغيرة مسطردة و ملح و فلفل وبهار و ضربتهم حتى التجانس
و بعدين يا حلوين قلبت خليط الدجاج فى صينبة بايركس و غطيتة باصوص و فرمت على الوجة ريحان طازج و روز ما رى و زعتر طازج و غطيتة بفويل و دخلتة الفرن و لما استوى شيلت الفويل و سبتة حتى احمر

ملحوظة (لو كان غندى علبة زبادى كانت بقت احلى من اللبن و كان يبقى احلى لو كان فية جبنة شيدر مبشورة كان ممكن تتحط على الوش و هى بتحمر فى الفرن)

و كمان عملت



طماطم بالخلطة


فرمت كزبرة طازجة مع كمية من الثوم (حسب الرغبة) و ملح (حسب الرغبة) و جزرة مفرومة و عصير ليمون (كل ما كان اكثر كان طعمة احلى)
فرشت كمية من الخلطة قى قاع علبة الحفظ و قطعت الطماطم حلقات و رصيتها فى العلبة و بالتبادل كدة دور طماطم و دور الخلطة و غطيت العلبة كويس و تركتها على جنب

و معاهم عملت ارز ابيض عادى بس انا باسيح فصين مستكة فى السمن قبل ما احط الارز و احمرة شوية و هوة بيتحمر باحط شوية ملح خشن و باعصر نصف ليمونة و اقلب تقليبتين و احط المية و اكمل عادى

الحلو بقى يا حلوين


تشيز كيك بالفراولة


القاعدة عادية بسكوت ديجيستف مع حتة زبدة صفرا فى ال food processor حتى تتكون عجينة تفرد في قاع الصينية
فى الخلاط بقى نحط (12 قطعة جبنة لا فاش كى رى لايت مع علبة صغيرة لبن مكثف محلى مع علبة زبادى لايت مع نصف باكو كريم شانتية مع بيضتين ) و ورررررررررررررررررررررررررررررررررررررررررررر
و نصب الخلطة دى على القاعدة و على الفرن الخفيف لمدة حوالى ساعة الا ربع حتى نغمس فيها سكين و تخرج نظيفة
تترك لتبرد و زينتها ب مربى توت اسود(صنعة ايديا و حيات عينايا) مع مربى فراوله


و بس كدة و اتفضلوا معانا