السلام عليكم ورحمة الله وبركاته
مسااااااااء الخيرااااات
كيفكم جميعا
حبيت أنزل لكم طريقة ايدام هندي لذيذ مرررة والله اني تعبت لين زبط معي جربت كل شي من زبادي الى حليب الى لبن الين استقريت على الطريقة هذي المهم نبدأ
المقادير:
دجاجه مقطعه صغير بالعظم
بصل وثوم مفروم
طماطم مطحونه
معجون طماطم
كزبرة مقطعة صغير
بهارات مشكله وورق غار وهيل حب وقرنفل حب وخولنجان وكركم وملح
قشطة خفق
الطريقة:
نحمس البصل والثوم في قدر على النار اذا انحمس زين صار لونه ذهبي نحط الدجاج والبهارات كلها والملح
نحرك الدجاج مع البصل شوي بعدين نحط الطماطم والمعجون ونحركها زين بعد ونخليها شوي على النار
واذا احتاج مويه زيدي شوي بعدين نحط قشطة خفق تقريبا علبه كامله الصغيرة تكفي لدجاجه وحدة ونحركها ونحط الكزبرة نصها مو كلها ونخليها على نار هادئه تقريبا 20 دقيقة واذا نقصت المويه نزيد شوي على حسب كثافة المرقه اللي تبينها وقبل مانطفي نحط باقي الكزبرة
تقدم مع الخبز او الرز الابيض
وبالعافيه عليكم
يلزم عليك تسجيل الدخول أولًا لكتابة تعليق.
الصفحة الأخيرة
تسلم ايديك وان شاء الله اجربه