اليوم الغدا عباره عن سمك مشوي بالفرن و مرقة سمك
اولا للسمك المشوي
افتح السمكه بالنص و ارش عليها ملح و بهارات ( فلفل اسود - هيل - دارسين - كمون - كاري - كركم)
و بعدين احمس على النار بصل مع ثوم و زنجبيل و فلفل اخضر كزبره و شبنت و احط عليهم بهارات و بعدين احطها على السمكه و احط فوقها حلقات بصل و ليمون و طماط و فلفل اخضر و بعدين ارشها بصوص خاص عباره عن ( دبس رمان - باربيكيو - معجون طماط - صلصة hp - عصير ليمون ) و بعدين ارش على السمكه زيت زيتون
هذا الصوص الي خلطه
و هذه بعد الصوص
و ادخلها الفرن اكون مولعته فوق و تحت ثلث ساعه تكون خالصه
-----------------------------------------------------------------------
ثانيا مرقة السمك
نحمس على النار بصل و ثوم و زنجبيل و فلفل اخضر و كزبر و شبنت و بعدين احط عليها الطماط لغايه ما يستوي و معجون الطماط و بهاراتك نفس الي فوق و احط حبتين لومي ( ليمون الاسود) و اصب الماي و اخليها تطبخ
و اذا حسيتي المرقه مو خاثره حمسي لي ملعقتين طحين بمقله لما يصير لونه ذهبي و حطيها على المرقه
و بعدين احضر السمكه و احط في بطنها رشه بهارات و ملح و من بره السمكه احط طحين مع بهارات و اقليها و بعدين احطها بالمرقه
هذه المرقه
و هذه السمكه قبل القلي
و هذه اثناء القلي
و هذه المرقه جاهزه
----------------------------------------------------------------------------
يتبع....
و هذه سلطه الفواكهة
و ان شاء الله اكون افدتكم و لاتنسوني من صالح دعائكم