حبيت نوري لكم
هذه الطريقة تعلمتها من عند جارتي تجي لذيذة خاصة في فصل الشتاء والثلج وتجي من غير لحم
اولا المرق
نقشر أربعة حبات لفت ونطيبهم في الماء والملح اذا عندك الفول الأخضر حطيه مع اللفت هي في الأصل تجي بالفول واللفت
في قدر حطي الماء البارد + خمسة مغارف فرينة + مغرف خل + ملح وضعيها فوق النار حركي حتي تعقد شوية
وجدي الدرسة هي : راس فلفل حار مغرف، كروية ،فلفل احمر ،ثوم .هرسيهم مع بعض وفي الأخير حطي الطماطم المصبرة
اضيفي الدرسة فوق المرق وحركي ثم أضيفي اللفت والحار ولما تطفي عليها حطيلها كسبر اخضر
العجينة : سميد يكون ارطب وملح وماء واعجنيها جيدا وحليها بزيت وطيبيهم في طاجين الحديد
ثم قطعيها قطع صغيرة
هذه الوصفة تجي شوي خشينة اما شخشوخة اللحم تجي رقيقة تختلف في خبزها
