كيفكم يا حوائيات اتمنى انكم بخير وصحه
جايه اشاركم غدانا اليوم
طبعا مروقه وقلت ليش ما اصور وانزله موضوع 😂😂😂
بس جت الفكره بعد ما قصيت دجاجتي وسويت التتبيله
المهم بعطيكم طبختي
وترا المطبخ مثل الملعب كل شي فيه مسموح مو لازم تتقيدي ب الطبخه بحذافيرها ولا تلتزمي ب الكميات كل وحده وذوقها
المقادير لتتبيله
بهارات مشكله تقريبا ملعقه ونص
خل >> بس انا ما احب الخل وحطيت عصير ليمون
صلصل >> مكان عندي صلصل كان عندي طماطم مقشر ومعلب وهرسته وصفيته زييين
ماجي ذوبت كرتونه بماء تقريبا مقدار كاسه ونص
زيت تقريبا نص كاسه او اقل شوي
ثوم بودره ومكان عندي وبشرت ثلاث فصوص ثوم
شوي كمون وشوي فلفل اسود
وشوي ملح يمكن ملعقه صغيره
وملون طعام احمر عشان لون الدجاجه
المهم انتي ذوقي الخلطه وشوفي اذا تحتاج ملح زياده او لا
غسلت الدجاجه ونظفتها وقصيتها بس من عند الصدر
وسويت فيها فتحات من عند الصدر والافخاذ
وحطيتها ب التتبيله مدة ساعه
قصصت بصل شرائح وثوم وحطيتهم ب الصينيه من تحت المفروض احط بصل صغير على كبره بس محد راح يتقبل ياكله من الي عندي 😔
وقصصت الخضره بطاطس وجزر قطع كبيره شوي عشان ما تذوب من كثر الطبخ وتقدرين تحطين الي تبين وحطيتهم على البصل وقصصت فلفل رومي وحطيته عليهم
واخر شي حطيت الدجاجه فوقهم
المسكينه الدجاجه عوقتها 😂😂😂😂
طبعا شلت شوي من التتبيله عشان اذا شلت القصدير عنها احطه على الدجاجه من فوق وارش سماق
وهي راح تتحمر من الحراره
المهم اخذت باقي التتبيله وحطيت عليها كوبين ماء تقريبا وحطيتهم على الخضره
اهم شي وانتي تحطي الماء على الخضره لا تصبينه على الدجاجه لا صبيه على الخضره لان مانبي الدجاجه تروح عنها التتبيله
انا كثرت الماء لان ابي الدجاجه تطبخ اطول مده وتذوووووب
قصدرتها ودخلتها الفرن وولعت الفرن من تحت وخليتها تطبخ ساعه ونص ب التمامبعدها شلت القصدير وحطيت على الدجاجه باقي التتبيله وخليتها تطبخ نص ساعه
اخر شي حبيت احمرها تحمير زياده وكان باقي عندي شوي من التتبيله دهنت الدجاجه فيه ورشيت سماق لان نسيت ارشه اول مرا
وحمرتها تقريبا دقيقتين
وهذا الشكل النهائي
طبعا تصوير الفديو مش تمام لان اول مرا اصور فديو لطبختي 😂😂😂😂 واعدت التصوير مرتين عشان يضبط ويارب انه ينزل مع الموضوع
