اليوم جايبه لكم طبق سويته في وقت زنقه يعني جيت يم الثلاجه ما لقيت شي يجمل اسويه على الغداء فاخذت اناظر بمطبخي المحترم ولقيت سله بطاطس ولقيت لحمه مفرومه بالفريزر والاساسيات مثل البصل والثوم
ومالكم بالطويله قلت اسوي كفته لان عيالي وزوجي يحبونها المهم هذي طريقتي بالكفته عاد مادري اذا احد يسويها نفس الشي بس طعمها خياللللل
نجي عند المقادير
بطاطس انا سويت ثلاث بطاطس كبار
لحمه مفرومه
بصله كبيره
اربع فصوص ثوم
جزر
بهارات كزبره وفلفل اسود وكمون
بيض وبقسماط للتغطيه
الطريقه
نقطع البطاطس مربعات ونملحها ونسلقها عشان تستوي بسرعه
نصفيها من المويه بعد ما تستوي ونخليها على جنب تبرد
نجي للحمه
نفرم البصل والثوم بالقطاعه ونحطهم بطنجره وعليهم شويه زيت ونشوحهم ونضيف الحمه عليهم ونبهرها ونبشر الجزره عليهم ونستمر بالتقليب مع اضافه الملح وشويه مويه ونقلب لحد ما تستوي الحمه << طبعا ماكان عندي بقدونس وحركات والي تبي تضيف مو مشكله .
نجي على البطاطس المسلوقه ونبهرها ببقيه البهار ونهرسه بشوكه كبيره او الهراسه ونضيف الحم معه ونهرس وتصير عندنا عجينه الكفته
بعدين نجهز البيض للتغطيه ومعاه فلفل اسود وشويه كزبره ونكور العجينه الحين ونغمسها بالبيض بعدين البقسماط ونرصها بصينيه مثل الي بالصوره
هذي قبل القلي بعد ما خلصت منها
وهنا بعد القلي
وهنا لما قدمتها هي والسلطه طبعا التقديم على كيفكم الي تبي تحضرها مع خبز والي تبي تحشيها بساندوش والي تبي تغمسها بايدام على راحتكم كل وحده والي تحب او اهل البيت يحبون وممكن تقدمينها لوحدها مع صوص الخيار مفتوح للجميع
هذي سلطه بسيطه زبادي وملعقه صغيره مايونيز وملعقه ليمون وفص ثوم والتزيين حمص والي لونه بني على الوجه صلصه صويا لا تروحون تشخبطون بالكاكاو وتقولون المعيه معطيتنا الطريقه :42:
وياله ياحلوين بروح انظف مطبخي بعد حوسه الغداء دعواتكم :26: