وحشتوني من زمان مانزلت موضوع بس حبيت تشاركوني بغدانا اليوم كان لذيذ بمعنى الكلمه وعجب الكل :32:
الطريقه سهله ولا يبيلها شي
قطع هامور فيليه بدون عظم وانتبهوو لان اليوم المحل مانظف السمك عدل تميت اشيل العظم
ملحيها وخليها بمشخاله تنزل الزفاره منها وعقب غسايها وتبليها بليمون وملح وفلفل وبابريكا وخليها لمده عشر دقايق لاتطولين بالنقع عشان ماتنشف
غطيها بالطحين وحمريها بشويه زبده وزيت مو قلي شويه تحمير وخلي المقلاه لاتغسلينها خليها على جنب
خذي السمك وحطيها بصينيه كبيره وسويه حركه الفحمه الي بالزيت <<<اكيد الكل يعرفها شبي فحمي وحطي مله صغيره فيها زيت ولافحمت حطيها وغطيها بقصدير تاخذ نكهه الشواااء تطلع يمي
بنفس المقلاه حطي ملعقتين طحين مع الزبده وتبدى تحمر تحطين فوقها كوب ماي وتبليها ملح وفلفل وليمون واذا تبين قلقل احمر يخليها سبايسي
لين تتكثف ويصير معاك صوص خفيف حطي فنجان كريمه وبقدونس
الرز استخدمت تلدا سويته رز ابيض عادي بس حطيت ماجي وورق غار
وعلى الوجه ماي ورد مع زعفران ومكسرات وبصل مقلي وبقدونس
وهاذي الصور
وان شاء الله يطلع الموضوع لان النت عندي اليوم مادري شفيه يعلق