هذا سلمكم الله يوم الثلاثاء الماضي سافرت لمكه واخذت عمره يااارب لك الحمد وبعد العمره نزلت لاهلي بجده
فيوم الخميس قمت شوي بكير وقلت من زمان ما ذاقوا اهلي طبخي وباقي يوم واسافر قلت مالي الا اسوي المندي المعتمد عندي لانه بصراحه احسن مندي قد جربته غير اني كنت مستعجله ابغى اطبخ على راحتي قبل يصحصح ولدي الله يحفظه وانحاس وهذا المندي حلو انه سررريع
وهذي الصور
بسم الله
وهنا لمن سويته فبيتي
والحمد لله عجب اهلي كلهم وزوجي ... عليهم بالعافيه يااارب
تفضلوا الطريقه يا حلوات
مندي الدجاج سرررريع
- نص دجاجه توضع علۍ قصدير وتمسح بزيت زيتون وصفار زعفران وملح وبهارات ( انا استخدم الكركم بدال صفار الزعفران الذ)
- بعد ما تتبلي الدجاجه لفيها زين بالقصدير
- جيبي قدر الضغط وحطي نص فنجان شاهي زيت طبخ وحطي الدجاجه بالقصدير جوة قدر الضغط واضغطيها وخليها لمدة نص ساعه علۍ نار واطيه
- طريقتي فالرز
- نقعي الرز لمدة ساعه في مويه حاره بعد ما تغسلينه
- فقدر عادي قطعي بصل صغار وحطي شوي زيت وثوم مهروس وفلفل رومي مقطع وعود قرفه ومكعب ماجي وواحد قرن فلفل حار وحمسيه واظيفي الرز المنقوع وحطي المويه بس لا تكثرين لانه بيستوي بسرعه
- اذا خلاص حسيتي انه قرب يستوي حطي في فنجان قهوه مقدار ملعقه موية كادي مع نص ملعقه صغيره صفار زعفران <<<< وموية الكادي هي السر في لذة الرز رهيييبه بس لا تتحمسون وتكثرون نفس الكميه اللي قلت عنها وطفي عليه اذا استوۍ وطلعي الدجاجه من القصدير وحطيها عالرز وبخريها بالطريقه المعروفه للمندي
(للوجه)انا سويت حمسة البصل
قطعي بصل شرايح وحطيه عالنار مع زيت زيتون وملح وبهارات وكثري شوي ملح وبهارات وحطي صنوبر وقلبيها الين تتحمس وتصير بنيه وقاسيه شوي وحطيها عالوجه
وان شاء الله يعجبكم
مررررره مشهي