مرحبا صبايا
اليوم عملت اكلة صينية تنفع تعملوها بالدجاج وبالروبيان لزيزة كتير الي يحب الاكل الصيني والي ما يحبو برضو يحبها نجي:)
للمكونات
2 حبة جزر مبشور
حبة فليفلة خضراء وحبة حمراء وحبة صفراء والي ما عندو يسير يكتفي بس بالاخضر حبتين انا هيك عملت اليوم
فص ثوم مفغوس
م ص زنجبيل وازا متوفر طازج يسير برضو
طبق صدور دجاج مقطع مكعبات
نص مكعب ماجي
نشا
فلفل اسود
صويا صوص مالحة
ومحار صوص تعطي نكه لزيزة لكن ممكن تستغنو عنها ازا مو متوفرة
علبة فطر
هاي صورة المكونات بس ناسية علبة الفطر
الطريقة نقطع الدجاج مكعبات ونحط علية رشة فلفل اسود وملعقة نشا ونقلبة بقليل من الزيت لان يحمر نضيف سن الثومة والزنجبيل متل ما هو موضح بالصورة
نقلبهم شوي بعدين نضيف الخضار ونحرك ثم الفطر ونذوب نص مكعب الماجي بربع كاسة ماء ونضيفها ونحرك المزيج ثم نهدي النار تحتو ليستوي اي لما تذبل الفليفلة ثم نضيف خليط التالي
جيبي كاسة وحطي فيها
م ص سكر
م ص نشا
4 م ك صويا صوص
2 م ص صلصة محار
رشة فلفل اسود ونحركهم جيدا ونضيفهم فوق الدجاج والبخضار ونقلبهم 3 دقائق ويقدم مع الارز بالهنا والعافية
وهاي الطبق والصحن لاول وحدة ترد
ياريت تجربوها وتدعولي:42:
بالصورة احسن نوع لصويا صوص لاني جربت نوعيات كتير لقيت هاي ازكاها:icon28:
هالله هالله بالردود
يارب الاقي طبقي بالاطباق المجربة:)
