※※※《 غداي اليوم كوكتيل (بالصور) 》※※※

كيفكم اخواتي ان شاء الله بخير جميعاً اليوم حابه اوريكم صور غداي المتنوع واللي كان مكون من برياني باللحم وكبسة دجاج ومسقعة وسلطات متنوعة يالله تفضلو شوفو الصور

اول صورة هي كبسة الدجاج وطريقتها تجيبين بصل وتكشنين عادي وتضيفين الدجاج وبعد تحريكهم تضيفين طماطم مقطعة مع ملعقة معجون طماطم وتضيفين مويه وتتركينها حتى تستوي الدجاجة وبعدين تضيفين الرز وتكبسينه معها طبعا كل وحدة والبهارات اللي تحب تضيفها مع فلفل اخضر وبس وهاذي صورتها بعد الانتهاء من الطبخ


الصورة الثانيه هي البرياني وطريقته معروفة للكل ومقاديره لحم وبصل و طماطم مقطعة وثوم وكزبرة وعلبة زبادي وبهارات البرياني وبطاطس مقطعة مربعات طريقته تكشنين البصل واللحم وتحطين البطاطس وتحركينهم مع بعض بعدين تضيفين الثوم والطماطم وتحركين حتى تذبل الطماطم ثم تضيفين علبة الزبادي وبهارات البرياني وتتركينها حتى تستوي اللحمه طبعا وقت سوى اللحمة نكون سالقين الرز نص استوى في قدر ثاني نحط طبقة رز وبعدين نحط خلطة اللحم ونرش كزبرة ونرجع نحط رز واذا بقي شي من الخلطة نحطها واخيرا طبقة رز ونرش فوقها زعفران وموية كادي ونغطيها بقصدير ونوطي عليها النار لمدة 15 دقيقة وبعدين ذوقي احلى برياني في حياتك


الصورة الثالثه عبارة عن طبق المسقعة وهي معروفه للجميع ومايحتاج شرح لها


وقدمت معها ثلاث انواع من السلطات وهي سلطة الزبادي وسلطة مقطعة وسلطة مفرومه


اخيراً صورة جماعية للأطباق مع بعض


ان شاء الله يكون موضوعي خفيف على قلوبكم واي استفسار انا حاضرة......
اخيرا ما ابغى منكم الا دعوة صادقة ان الله يحفظ اهلي وزوجي وعيالي وينقلنا للرياض ...