عاد الكل يعرف المجبوس بس بكتب لكم طريقته بالتفصيل للي ما تعرف تسويه يكون عندها مشروح خطوة بخطوة وللي تبي تجربه ما راح تندم انها جربته ,,
بس تابعوا معاي
رحت قطعت بصل وفليفله وحمستهم ع النار
حطيت اعواد دارسين واربع حبات هيل ,,
غسلت صدور الدجاج
اضفت للبصل طماط بعد ما قطعته مع بزار ولومي اسود واضفت الدجاج عليه ,,
صبيت ماي يغطي الدجاج ويكفي للرز اذا كبيته وحطيت ملح ,,
غطيت القدر مدة ساعة ,, ويوم فتحت القدر رفعت الدجاج عشان اكب الرز
بس الصراحة يوم رفعت الدجاجة شفت لونها ما عجبني ,, فقلت هي ما فيها جلد لو بحطها بالفرن تتحمر بتيبس ,,
ففكرت ايش اسوي فيها ,,
قلت خل اكب الرز واشوف لها دبرة ,,
كبيت الرز وخليته يستوي براحته ,,
والتفت ع الدجاجة
رحت جبت لي ملعقتين روب وملعقتين كاتشاب وملح وبهارات وكمون ودارسين وخلطت الخلطة عدل لمن صارت كانها كريمية ناعمه
اخت الصدور وغطيتها بهالخلطة
خليتها شوي بس على ما احمر بصل شرايح وصنوبر عشان احطه ازين بيه وجه الرز
بعدين غطيت الدجاج في بقسماط
وبعدين في مقلاة تيفال قليل من الزيت عشان نحمر الدجاج تحمير بس مو قلي ,, قلبيها ع الوجهين لمن تتحمر ولا اذا عندك شوايه حمريها في الشوايه ,,
بعدين فتحت قدر العيش شفته استوى ورهييييب شكله اول ما فتحت القدر مشهي جداً
بعدين نجبت الغدا
وصورة اقرب
وهذا هالصحن مدلعته ,,
وبالعافية علينا وعليكم ,,