انا اول مره انزل طبخه من عندي يعني مو تطبيق ***** الله تعجبكم
طبعا الغداء كان مضغوط بصراحه والله ماابالغ مسحنا الصحن الله يجعله بالعافيه علينا وعلى بنوتتي الحلوه طبعا انا لازم اسوي هالمضغوط 3مرات في الاسبوع يعني غداء او عشاء وهاذي الصوره
طريقتي اكيد مو غريبه على البعض منكم هذا اذا ماكان كلكم المهم
بصله مفرومه احمسها بشوي زيت واحط بهارات وماجي لحد مايذبل البصل وبعدين احط طماطم كبيره محونه مو مكعبات انا كذا احبها واحط صلصه في صحن او كاسه واذوبها بمويه دافيه وانا كثرت صلصه واصبها عالطماطم واخلي الكشنه تتسبك واضيف شوي ملح واحط الدجاج واغطي القدر شوي واحرك وارجع اغطي القدر وقتها اكون اغسل كاسه ونص رز وانقعها بمويه وارجع افتح القدر واحط مويه المهم تكون المويه مومره كثيره يعني مو تحطيين نص حبه دجاجه وتحطين ثلاث ارباع القدر مويه لا لازم المويه تكون فوق الدجاجه بشوي او اقل شوي وتحطينها بالضغط 10دقايق بعدين اطلع الدجاج وممكن احطه على طول بالفرن احملره بس انا احب اسوي هالخلطه على الوجه واللي هي شوي من مرقه الدجاج في صحن وصلصه طماطم وشوي بهارات وملح وفلفل اسود وعالفرن واصب الرز في القدر واخلي المويه فوق الرز بس انا احبه المويه تزيد شوي ولما يصفر اخليه على نار عاليه 5 دقايق واوطي النار لمده 5 دقايق وبعدين اطفي واتمتع بأحلى مضغوط والله اني اسويه لأصحاب زوجي ومايبقى منه ولا شي واليوم اللي اسوي فيه مضغوط لازم احسب حساب اهل زوجي لانهم يحبونه طبعا مافي البيت الا امه وابوه :35:
وبالعافيه
