اليوم زوجي معزوم ع العشاء وجرت العاده انه اذا صار معزوم فما يتغداء بس يكتفي بالفطور علشان يتعشاء
المهم جلست افكر ايش اسويلي انا واولادي غداء قلت يالله خليني اسوي شيء خفيف ولذيذ واهم شيء ان اولادي عيوني يحبونه فسويت مكرونه باللحم المفروم وتبولة الذره وبطاطس مشويه بالفرن وهذي السفره
وهذي المكرونه
الطريقه: بصل وثوم محموسين
وبعدين تحطين اللحم المفروم والبهارات والهيل والقرفه وفلفل بارد وحار ومعجون الطماط وتصبين شوي مويه بس الي يغطي اللحمه وتغطين عليها يمكن ربع ساعه على نار هاديه وفي قدر ثاني تكونين سالقه المكرونه نص استواء وبعدين تصفين المكرونه من الماء وتحطينها على اللحمه وتقلبينها وبعدين تغطين عليها وتخلينها على نار هاديه لمدة 10 دقائق
تبولة الذره
الطريقه :كرنب ابيض _كرنب بنفسجي_فلفله خضراء _ذره _خس-بقدونس_جزر
انا افرم كل صنف لحاله في المولينكس واخر شيء احط الذره وزيت الزيتون والملح
جربوها ترى لذيييييييييذه
بطاطس مشويه
الطريقه:بطاطس مقطع مكعبات تحطينه في صينيه تيفال وتحطين رشه من الكمون والفلفل والملح والبابريكا والاوريقانو وملعقة كبيره زيت زيتون
وتولعين الفرن من فوق فقط وتدخلينها وكل شوي تحركينها الين تستوي وتحمر شوي
لذيييييييييذه وصحيه
الصوص: ثوم وزبادي وشوي مايونيز
وهذا صحني اموت على الفلفل الحار
تدرون وش الي قهرني
ان ابو الشباب يوم حضرت السفره ارتص معنا على السفره وانا قلتله حياك حياك ولى اناصرت كذا :mad2:
يالله وش رايكم بغدانا الخفيف :27: