غدا سريع لو جالك ضيوف فجأه

لو طب عليكى ضيوف فجأه وجايين وقت غدا استقبليهم عادى جدا بابتسامه
وقوليلهم شويه وجايلكم,ادخلى المطبخ وحضرى ادوات السرعه
1-اول حاجه تعمليها السلاطات بتملى مكان على السفره فى دقيقه واحده تشوى باذنجانه
على النار وفى الوقت اللى بتتشوى فيه حضرى طبق كبير واعملى فيه طحينه
وبعد ما يستوى الباذنجان اهرسيه وحطى نص الطحينه عليه وشوية ثوم وبقدونس
بقت عندك احلى بابا غنوج والنص التانى احلى سلطة طحينه( يعنى طبقين فى دقيقتين)
والطبق التالت فى السلاطات هاتى كابوتشه او خس وقطعيه وعليه شوية طماطم وخيار وصوص
السلطه التتبيله اللى بتحبيها وبقت عندك 3 سلطات فى خمس دقايق.
2-اعملى للطبق الرئيسى حاجات سهله حطى المياه فى الغلايه وبعدين اسلقى مكرونه
ونفس وقت سوى المكرونه اعملى الصلصه وحطى عليها شوية سجق اوهوت دوج او لحمه مفرومه
اللى عندك وتحطى المكونه فى اطباق وعلى الوش الصلصه الحلوه بتاعتك,أعملى البيتزا السريعه
عجينة البيتزا بدل ما تحطى خميره حطى بيكنج بودر اعجينيها فى 3 دقايق وحطى صلصه جاهزه
واى خضار فلفل طماطم شوية زيتون هوت دوج او سجق وبش لازم جبنه متزاريلا اى جبنه بيضا
او رومى وممكن من غير جبنه خالص لو ماعندكيش هتطلع احلى بيتزا فى 10 دقايق,
اعملى بطاطس محمره كل الناس بتموت فى البطاس المحمره وكفته لوعندك ما عندكيش خلاص بس
بش تقولى الجود بالموجود الضيوف الواحد لازم يكرمهم.
3- الحلو اعملى كيكه او بان كيك او لو عندك فاكهه قدميها .عمايل السفره سهل بس الناس اللى بتصعبها
يارب كلكوا تستفادوا وتقدموا لضيفكوا احلى اكل. مع تحياتى لكم الشاعره دعاء شهاب