شلونكم شخباركم
بمناسبة فعالية حفظ النعم حبيت اشوفكم شلون تسوون اعادة تصنيع للرز الباقي والكشري بالبرغل
نزلت موضوع بالكشري واللي زاد منه فرزناه ليوم اخر
وايضا الرز الباقي مفرزن
شوفو شكلهم بعدهم جامدين طلعوهم من الفري وتركوهم على جنب
بلشو بتحضير خلطة روعة روعة روعة انصحكم بيها وبقوة
قطعو صدور دجاج مكعبات وحطوها بمقلاة بدون اي زيت ولاماء هي حتنظبخ بدهنها وماءها حطو وياها رشة كركم ورشة فلفل اسود ورشة ملح وغطوها وقلبوها بين الحين والحين حتى ماتلتسق بالمقلاة
قشرو بطاطايتين واقلوهم بشوية زيت يعني 4 معالق تقريبا مع ملعقة كركم ورشة ملح وفلفل اسود
وهذا شكلهم بعد النضج
تحمسون كوب شعيرية ومن يصير اشقر تحطون شرايح لوز مسلوق وتحمصوها وياه وبعد دقيقتن تضيفون كوب مااااء وتغطوها حتى تشرب الشعيرية الماي شوية
هذا شكل قطع صدور الدجاج بعد مانضجت نحطها وي الشعرية حتى تتهدر وياه وتنظج اكثر ببخار الماء
ضيفو كوب بزاليا مجمدة واتركوهم شوية ورجعو ضيفو البطاطا
طبعا الشغل على نار هادئة
هسة البهارت يميممممم ملعقة هيل مطحوون وملعقة بهارات برياني وملعقة شاي فلفل اسود ورشة ملح
واخلطو الرز بالبرغل وخلوهم على نار هادئة نريدهم بس يتسخنو لانو جاهزين
وبببث اطيب غدوة صدقوني
هسة بالتقديم اخلطو الخلطة وي البرغل وقدموها بالف عافية
اني احب اسوي حركة بالتقديم سويته طبقات
احط طبقة رز وعليها الحشوة وعليها طبقة رز ثانية واضغطها بالملعقة واقلبها واحط عليها ملعقة من الحشو يميممم
وهذا شكلها حلو صح^_^
يتبع
جربوه حتحبوه
دمتم بحفظ الله
اختكم مرايم