غذاء طفلة 8 شهور

اهلا اختي...المفروض بنتج تاخذ رضعتها ثلاث مرات باليوم ومقدار 210 ويكون الحليب باليل والصبح وتقريبا العصر ويكون الظهر وجبة الغداء...والمغرب اعطيها فواكه وبعدين باليل على الساعة 9 اعطيها السيريلاك...وانصحج اختي تستخدمين الفواكة الطازجة...
مثلا اعطيها موز مع عصير البرتقال او تفاح مغلي ...اوكستر...وهذا كلة مفيد للاطفال ...

المهد

مشكوره اختي والله يعطيك كل عافيه

بس احس شوي عليها لانها متعوده كل ساعتين عاتين ونص تاخذ شي

أهلين أسبانيه انا عندي بنت مثلك عمرها 8 شهور ويمكن كم يوم وتتم تسعة شهور
أمي من أول ماتتمت ستة شهور وهي توكلها من الخضار وكمان أم زوجي بعد تقول عوديها على الأكل
الخضار كوسة ومع بطاطس وجزر واحيانا قرع تطبخهم مع ماء وملح وتعطيها واحيانا من مرقهم من الغدا المهم انو تغديها بعد فترة صارت تعطيها من غداهم العادي بس ياعمري ماتأكل ترفض أي أكل بقولك نظامها
أنا بالليل أعطيها حليب 180 مع 6 ملاعق ومافيه أمل ولا مره تكمله ترضع مقدار 120 وبس مهما زودة الرضعه ووسعت صدري عليها ماينفع مادري شسوي
اما بالنهار بعد 11 لأني اداوم هي عند امي او ام زوجي يعطونها زبادي وباخر الظهر يغدونها من غداهم العادي وبالعصر حليب وبالليل عصير برتقال او سيرلاك وانا احيانا اقطع التفاحه مره صغار واضربها مع عصير البرتقال وهي هالايام لها 10 أيام مره تعبانه وحرارة نازله طالعه وحياتي مقلوبه معها وصدرها تعبان وكحة مره تتعبها ياقلبي وذبحتها هالادويه مافيه فايده ولا تذوق ولا شئ بس تبكي وربي تعبت
وكمان ماطلعلها سنون ابدا ولسى لها اسبوع او اثنين يمكن تحبي وهي تعبانه مالها خلق شئ بس دايخه وتبكي :(

أسفه طولت عليك بس بحاول اوضحلك كيف اعطيها غذاها انا بعد ماعندي خبره ابدا :(

أنا بنتي عمرها ألحين 10 شهور تجلس وتصفق وتسوي باي بس ما تحبو ولا طلعلها إلا ظرسين تحت وتاكل الأكل المهروس (مفور وايد ومعصود) لكن ما تقدر تاكل الأطعمه الصلبه يعني الدجاج واللحم أضربه بالخلاط
الساعه 9:00
أعطيها الصبح أول ما توعى توست مدهونه بالجبن ومذابة بالحليب ومفتته
وبعدين رضاعه طبيعيه

الساعه 1:30
أسلق لها كل أنواع الخضره وأرز مع فخذ أو صدر دجاجة ومكعب ماجي وأظربه في الخلاط وتاكل منه 4 ملاعق طعام كبيره على الغدا و4 ملاعق طعام كبيره على العشا يعني أعطيها منه على فترات

بعد الغدا رضاعه طبيعيه وتنام

الساعه6:00
أعطيها سيريلاك القمح


الساعه 9:00
أكمل لها الأرز مع الدجاج اللي مسوتنه لغداها
وبعدين رضاعه طبيعيه


الساعه 3:30 لييلاً
رضاعه طبيعيه


لكن الدكتور اللي يتابعها قالي اني حليبي لم يعد يكفيها وانه عندها نقص كالسيوم :( كتبلها الدكتور كالسيوم مكمل غذائي أحطه في أكلها
أنا بعد ملاحظه ان حليبي قل لكنها ما تداني الحليب الصناعي شو أسوي وياها ؟؟؟

اماني

ام مثالية

مشكورين على تواصلكم

انا ماقد جربت اعطي بنتي خبز مدري احس توها ماتقدر عليه

ومره عطيتها رز وخضار مطحونه من غدانا العادي اكلت شوي وماكملت

ومن بعدها وانا اعطيها رز مصري بس

وفيه وحده قالت لي عطيها بطاطس مسلوقه ومهروسه توني مابعد بديت اعطيها

بس ان شاء الله من اليوم

يعطيكم الف عافيه ونبغى الامهات الباقيع يقولون لنا ترا الخبه عندنا صفر يعني تحتاج مساعدتكم