طبق كتير زاكي وكل من اكل منه عجبه حبّيت أعطيكم طريقته مشان لازم تجربوه ولاّ بتروح عليكم
اقلي بصلة مفرومة ناعم بالزيت وبعدما تذبل حطي فوقها صدرين دجاج مقطّع مربعات وقلّيها حتى تصير ذهبية بعدين حطي علبة مشروم وحركيها لحتى تستوي
رشي ملح وفلفل اسود
اسلقي ثلاث حبات من البطاطا وقطعيها مربعات وحطيها في البايريكس
فوقها بتحطي الدجاج والمشروم
اعملي صلصة :بتحطي في قدر صغير ملعقتين كبار زبدة وملعقتين طحين وكاسة جبنة شدر مبروشة وكاستين كريمة طبخ وملح ورشة جوز طيب وحركيها حتى تثخن الصلصة وديريها فوق الدجاج والمشروم
وعالوجة رشي كمية منيحة من جبنة الشدر المبروشة ودخليها الفرن من تحت شوي وبعدين بتحمريها من فوق.
وتقدمي معها فتّوش ومخللات وصحتين وهنا:icon35: