السلام عليكم و رحمة الله و بركاته ...
اتمنى ما ازعجكم بكلامي لكن انا عجزت القى حل و تعبت .. ماعندي صديقات ماغير وحده وبرى المملكة و يالله اكلمها اذا كان عندي او عندها رصيد بس عالاقل هي الوفيه لي بهالدنيا ...
انا مشكلتي مع اهلي .. كانت من قبل الطلاق ..بس بعد الطلاق صار الوضع اسوأ ...انا اكبر وحده و اصريت ادرس و اكمل وسارفت و درست جامعة ورجعت فرحانه بشهادتي و اشتغلت و من اشتغلت امي الله يهديها ذبحتني .. تشك دائما و لازم اول ما اوصل ادق عليها و اقولها و صلت و اذا اتاخرت تقوم الدنيا و تقعدها و لازم دق من ثابت الدوام..و معصبه استحي اوقف جنب الناس كل الي حولي يسمعها..انا كنت اشتغل و اعطيهم راتبي كله .ابوي ماكان متوظف و كنت مبسوطه و اتمنى لو كنت ولد كانت ماخليت ابوي يشتغل اساسا ..عندي اخ بالبيت لا شغله و لا عمله انا اقصر من مصروفي عشان اعمل حساب البيت و الاستاذ ياخذ العشره و العشرين عشان يطلع مع اصحابه و اذا بعد عصب علي و دخلت معاه في مشكله (علما انه يقول عني اكاذيب بس عشان رفضت اعطيه من مصروفي ) امي توقف معاه مع انه عاق يسبها و يضربها مرات و فوق هذا توقف معاه ضدي ...
الوالد مايتدخل باي شي تارك الخيط و المخيط لامي و اخوي .. و اتزوجت و ماتوفقت و رجعت لبيت اهلي ورجعت اشتغل و رجعنا لنفس الموال بس بشكل اسؤأ....الراتب كلها معاهم و غير كذا ديون ايجار البيت على راسي و اذا قلت لهم الناس الي سلفتني تبي فلوسها تقول امي مو الشهر هذا الي بعده و هلم جر ...و اذا ماقدرت ادبر شي مشاكل قلق ..وكلام يسم البدن و الله استحي اقول و ازعل على نفسي اذا اهلي الي ربوني و المفروض يعرفون هم كيف ربوني و يقولون لي هالكلام اجل الغريب شبيقول ؟ و الي اغرب اذا انتو صحيح شايفين اني انا مو كويسه اجل ليش ماتقعدوني بالبيت ليش تاركيني اشتغل طيب ؟؟
كل ماشتغلت كل مازاد راتبي و ارتقيت ..و انا من طيب خاطر كل مازاد راتبي اقولهم مع انه مايدخل جيبي شي الا ميه و لا ميتين و اذا محتاجتها ..و ياخذون راتبي و تشتري لاخواتي ملابس و مايذكروني صح ازعل و اكتم بس امي دايم تقول ابي خواتك يلبسون احسن لبس عشان الناس تشوفهم .. و انا ايش طاح كرتي مثلا ماكنت ازعل كنت اقول صح كلام امي الناس مظاهر و انا ابي خواتي يتزوجون احسن ناس ... كانت اختي الي بعدي هي المتنفس الحيد لي مع انها متهوره اكثر مني ..كنا نشتغل سوا و كانت تطلع مع البنات كوفيهات و انا اقعد على اعصابي و اهاوشها و اداري عنها ..و يوم تزوجت حسيت بوحده ,اختي الي بعدها من زمان كلمتها مسموعه عند الوالده ...و ماكنت قريبه منها و ماقدر افضفض لها او اشتكيلها ...
المشكله اني مابي منهم شي ابي امي بس تحسسني لو مره اني انا غاليه عندها اني لو ماجيت اكل معاهم تجي تسال عني ليش و لا في شي مضايقني ..وخواتي مايحترموني و اذا عصبت منهم امي تسكتني انا الكبيره و تحت الغلط علي ...
اشتغلت وظيفه ممتازه و راتبها كويس و لله الحمد ..قلت اصير شاطره شويه .. صرت احط من راتبي خمسميه ريال احتياط مصروف و اذا صروف الراتب كله يكون عندي شي اعطيهم ..
انا من الله اسمع اذان الفجر و اقوم من غير منبه و لله الحمد مره صحيت بس كنت متكاسله و متغطيه بفراشي و سمعت اختي الصغيره تقول لامي (خذي بطاقة الصراف من شنطتها )!! و امي تقولها اخاف اختك تعصب و اختي تقولها (لا عادي خذيها ..الحين خذيها و خير ياطير)!!!! تخيلو ؟؟؟
ممنوع يكون لي صديقات و ممنوع اقول ابي عبايه و لا جزمه جديده و ممنوع يكون لي عطر مو للدوام ادري انه حرام بس اذا طلعت للناس و حتى لبس ممنوع اقولهم ابس لبس جديد ماله داعي ... مو من حقي اساسا....و ماخفي كان اعظم لو اقولكم و لا ماراح يكفيني شهر القصص الي يسووها فيني ..
و انا تعبت من هالموال و امي ما تصدق مني كلمة و اذا طلبتها شي راحت تشور اختي الي اصغر مني !! و بالرايحه و الجايه اختك احسن منك اختك احلى منك اختك مادري ايش... طيب انا عمري الي ضيعته وانا شايله البيت على راسي و الكرف و الاهانات بالدوام والادوام الاضافي هذي كلها عشان اسدد ايجار البيت و كهرباء و ادويه مالها جزاء عندهم ...
اخرتها اختي الي راحت تشيش من ورى زوجها و حطتها براسي و قالتله هذي حقت اختي و هو ماقصر اتصل على ام يقولها ربي بنتك و امي ورتني نجوم الظهر و احلفلها مو انا و الله مو حقتي قالتلي اختك بتكذب يعني ...لا العفو انا مطلقه !!!! انا لي اكيد اكذب ...
كل يوم اقول ياليتني قعدتني في بيت زوجي حتى لو انه كان سكير وراعي بنات و لا رجعت بيت اهلي ..
Helpless @helpless
عضوة جديدة
يلزم عليك تسجيل الدخول أولًا لكتابة تعليق.
ياحيااااااااتي انتي الله يعوض صبرك خيرررر يارب ويرزقك الزوج الصالح اللي يعيشك ف هناااء بسس خليك صارمه معاهم مررره حطي مثلا مقاضي البيت وسددي الكهرب والمويه فقططططططط عشان مايكون لهم عليك عذر اذا اخوك طلب فلوس قولي ماعندي اي احد طلب قولي كلها راحت لكم زي منتو شايفين ماعندي شي خليهم يعرفون قيمتك ويعرفون انك نافعتهم اكككككككره الناس اللي يتغيرون على بنتهم اذا تطلقت ويهضمون حقوقها طيب وش ذنبهاااااااااااااااااااا !!!!!!!!!
لاحول ولاقوة الا بالله العلي العظيم
لاحول ولاقوة الا بالله العلي العظيم
الله المستعآان بس!!
وش اقوول ..
اسأل الله المطلع على سرك أن يفرج هموومك من حيث لاتحتسبيين..
نصيييييحه كثثثري من الصلاه على النبي ققققددد ماتقدريييين..
وش اقوول ..
اسأل الله المطلع على سرك أن يفرج هموومك من حيث لاتحتسبيين..
نصيييييحه كثثثري من الصلاه على النبي ققققددد ماتقدريييين..
الصفحة الأخيرة
اشكر مرورك و دعواتك الله يلبيلك مناك و يحفظلك من تحبي يارب