يا بعد قلبي يا el-roro
لا اتكدرين نفستش ولا شي والله الايام تركض انتو سنتين تخيلي احنا 6 سنين ترا موشويه
ياما مرضت وتعبت ولا احد يمي وياما بكيت وتكدرت..بس الحمد لله الله يعافي ال msn
تخيلي توني متغربه وزوجي خفاره كل يوميين
وانا بروحي ويا ولدي كنت اموت من الخوف بالليل وما انام الا لما يرجع ثاني يوم
اذا بسولف لتش عن اللوعات اللي مريت فيها بترس الصفحات
ان شاء الله انتي بعد اتصيير سوالف مثلي لما الله يردكم بالسلامه
:27:

السلام عليكم ..

هلا رورو(تصدقين اسمك دلع اسمي :) )

شدعوا؟؟!! بصراحة ضيق خلقي كلامك وكلام الاخوات الباقيات !!
الحمد لله اذا ماعندك مشكله الا انك في ديره غير ديرتك فهذي ابدا ماتعتبر مشكله
انتي جايه هنا بطوعك واختيارك، مو غصب عليك.. اذا بتقولين الا بالغصب عشان زوجي جايه، فاقولك انتي لما تزوجتيه وافقتي تعيشين معه الحلوه والمره، انا معك الوضع هنا صعب ومختلف، بس بيدك انتي تخلينه سهل، وبيدك انتي تخففين عن نفسك، وبيدك انتي تخلين بيتك هو جنتك سواء في الغربه او في ديرتك ...
مفروض تكونين معه ترفعين معنوياته، تشيلين همه، وتساعدينه يوصل لهدفه اللي جاي عشانه ان شاء الله
انا معك لما اقعد واتذكر اهلي، واذكر اجتماعهم، ولمتهم وخصوصا بالمناسبات(رمضان-العيد-وهاليومين زواج ولد خالتي) يضيق خلقي.. بس مفروض اني ما افتح للشيطان مجال ، واترك له مدخل علي...
بعدين مستحيل اني لما اكلم امي او وحده من خواتي اني ابكي ( مع العلم اني توني جايه مالي 3 شهور) مابي امي تتدكر، مابيها تشيل هم ، يكفيها ماشافت مني وانا عندها ازود عليها وانا مو عندها ... اذا قفلت السماعه بكيت ههههه:17:

يالله لك الحمد والشكر، انتي في عز ومعزه، مع زوجك وعيالك ، مو لحالك.. اذكري الشغالات واحمدي ربك،،
سافروا يخدمون محتاجين ( مو مثلنا يطورون انفسهم) الوحده بلحالها، تخدم ناس اغراب، من تقوم لين تنام وهي تشتغل، ومابينها وبين اهلها الا الرسايل، واخرتها راتب زهيــد...!!!
حسيتي من المغترب

والله يعيينا على غربه القبر ... (( ليس الغريب غريب الشام واليمن... ان الغريب غريب اللحد والكفن))

تعوذوا من بليس.. وفرفشوا ...
واسفة على الاطاله
:26: :26:

اااااااااااااااااااااااااااخ من الغربه والله والله ربت على الوتر الحساس اااااااااااااااااااااااااااااااااااااااااااااه يا رورو الله يصبرنا