اليوم رح تكون معنا غرزة جديدة بالتريكو ... اسمها غرزة الريب (الاستيك ) المايل ... لأنها بتستعل أكتر شي لنعمل منها استيك الاكمام والصدر والظهر للكنزات ... غرزة حلوة كتير وشغلها ممتع بس ان شاء الله يكون شرحي واضح وتقدروا تستفيدوا مني
هي صورة الغرزة
نبدأ 30 غرزة ... الغرزة عبارة عن دورين بس بيتكرروا على طول .... المهم انه نفهم فكرتها بس .... لأنه شغلها بيتختلف شوي
الدور الأول : رح نشتغل 2 غرزة مع بعض وجه بس بدون مانكمل الشغل ... يعني بس بنضمهن بالسنارة وبنلف الخيط وبنطلعه وهلا الصور رح توضح الخطوات بالتفصيل .... رح فصل كتير لحتى تكون الفكرة واضحة .... طبعاً لازم ننتبه أنه في طريقتن لحتى ناخد الغرز مع بعض ... اما من قدام أو من ورا ... بهي المرة رح يكون من قدام متل الصورة هي
بعد ماضميناهم مع بعض متل الصورة بنلف الخيط وبنطلعه كأنه بنشتغلهم بس بدون مانكمل الشغل ونترك الغرز من السنارة والصورة رح توضح
بعد مانوصل لهي المرحلة ... رح نرجع ندخل السنارة بين الغرزتين اللي ضميناهم مع بعض ونشتغل أول غرزة وجه متل الصورة هي
وهي الصورة بعد مااشتغلنا الغرزة ... لاحظوا كيف صار معنا الشكل ... غرزتين على كل سنارة
بعد هي المرحلة رح نسحب الشغل من السنارة التانية وبنتركه لأنه بيكون خلص ... وبنكرر هيك لحتى يخلص الدور كله
الدور التاني : رح يكون كله مقلوب
بس في ملاحظة مهمه ... أنه الدور التالت رح نبدأ بغرزة وجه وبعدين نبدا نشتغل كل غرزتين مع بعض ... والأهم انه رح يكون بداية الدور مرة نبدأ غرزيتن فورا مع بعض ... ومرة في غرزة وجه .... وبس تشتغلي رح تلاحظي هالشي ... بس اذا ماقدرتي تحسي الفرق احفظي أنه دور هيك ودور هيك .... بتمنى يكون شرحي واضح واي سوال أنا جاهزة
بتمنى الاستفادة للجميع
حلوه مررررررررررررررررررررره
تسلم الايادي اختي
ان شاء الله اجيب سنارات واتعلمها
تسلم الايادي