اهلا بالجميع ....واهلا بأم قسمت ام الكرم والجود

غرزة رائعة سهرت عليها ليالي واستخدمت النت واليوتيوب

علشان افك الرموز وقد نجحت في ذلك وبعد كذا نسيتها

اكون ممنونة لو تذكروني بها ولكم دعوة صالحة في ظهر الغيب بدوام الستر والصحة العافية .

عجيبه والله ياليت تشرحينها لنا علشان نتعلمها
مشكوووووووووووووره

ايوه كده
انا نفسي في شويه حماس للتريكو علشان هو مظلوم والله
اهلا بيكي ياقمر


تسلمي لي ياقمر
وفعلا انا لما باشوف غرزه صعبه او مش بافهمها باقعد احاول فيها وافكر وانا ماشيه وانا باطبخ يعني علي طول وباتضايق جدا لما مااعرفهاش ههههههه
بس استني انتي تسنيم مبدعه ترجمه الباترونات ماشاء الله مش كده ولا انا غلطانه
اصلي شفت ترجمتك في موضوعات قديمه شويه وعجبتني جدا


داانتي اللي قمري انا ههههههه
وحشتيني يامبدعه وفنانه المنتديات العربيه وتسلمي يارب
وحاتكملي معايا ولا حاتزهقي وترمي الابر وتجري هههههه


اهلا بيكي ياام اليهال ياقمر والشرح مش بالباترون وباذن الله حايكون خطوه خطوه
والبلوفر عايزه سن كام ولو ممكن تنزليه في موضوع منفصل علشان باذن الله اشرحه لك وامشي معاكي فيه


اهلااااااااا بالغاليين اللي وحشونا كتير
ازيك ياحبيبتي واخبارك ايه فين من ايام ملتقي الاحبه وفبن الصحبه القديمه
اهلا بيكي ياعسل وتعالي اعملي الغرزه دي حاتعجبك


اهلا بيكي ياام محمد ياغاليه
تعرفي انتي ذوقك لايعلي عليه ودايما تسالي عن غرز رووووعه
طيب فاكره الموضوع اللي سالتي فيه
كان فيه بطانيه رووووعه ممكن تنزليها هنا


ايوه والله التريكو فعلا يستاهل الاهتمام ومظلوم والله هههههههه
اهلا بيكي ياعسل وباذن الله تعرفي تعملي الغرزه


اهلا بيكي ياقمر
والغرزه سهله وباذن الله تعرفيها بسهوله
وذوقك جميل فعلا


الله يخليكي ونورتيني بمرورك الجميل

خلاص ياقمر باذن الله نعمل دوره تريكو وابقي انضمي لنا


حاضر ياعسل وباذن الله الشرح كله بالصور


اهلا بيكي ياام نو ياغاليه وياريت المشرفات ينفذوا طلبك


اهلااااااا بالاستاذن
واحشاني والله ياشهوده ونورتيني جدا
يعني ماشاء الله الابداع والفن وراثه
ربنا يخلي لك ماما يارب
وبلاش تعذبيها خليكي معايا انا وعذبيني ولايهمك ههههههه
وقراءه الباترون سهله وباذن الله افضي نفسي واعمل له موضوع


خوختي الجميله القمر وحشتيني جدا
انتي فين وماشفتكيش هناك من زمان
طبعا الفضل لله ياقمر ثم ليكي في اني لقيت باترون الغرزه دي وفهمناها مع بعض
ربنا يخليكي لنا يارب
الكوفيه اللي منزلاها فاولايه جميله تعالي تعملها مع بعض



اهلا بيكي ياجود لاك يااغلي الغاليين وربنا يخليكي لي يارب


اهلا بالبرلمان الجميله
بسم الله ماشاء الله عليكي
يعجبني فيكي رغبتك في التعلم واصرارك علي معرفه الشيء
ربنا يحميكي وخليكي معانا علشان تفتكري
اصل الغرزه فيها خطوات كتير وفعلا بتتنسي


باذن الله اشرحها ونورتي ياريماس ياغاليه

بصوا ياقمرات
الباترون بتاع الغرزه بننفذه بالغرزه العد والغرزه المقلوب والسطور القصيره short rows ولقط الغرز
السطور القصيره يعني مش بتشتغلي السطر كله
لا بتشتغلي مثلا غرزتين من السطر وبعدين تقلبي الشغل يعني تغيري وضع الابر في ايديكي وتبدليها
الابره اليمني تاخديها في ايدك اليسي والابره اليسري تاخديها في ايدك اليمني وكده حاتلاقي علي الابره اللي في ايدك اليمين السطر كله وعلي الابره اللي في ايدك اليسري الغرزتين اللي لسه مشتغلاهم دلوقت وترجعي تشتغلي علي الغرزتين دول وتقلبي وضع الابر تاني وهكذا
يعني الشغل بيكون علي جزء محدد من الغرز ونسيب بقيه السطر من غير شغل
لقط الغرز
بيكون علي حافه الشغل وبيكون اما بابره التريكو او ابره الكروشيه ايهما اسهل
شوفي كده لقط الغرز




ولو عايزه معلومات اكتر ممكن تشوفي دوره التريكو
الغرزه ممكن تعمليها علي مضاعفات عدد زوجي
يعني انا شرحتها قبل كده وكانت علي مضاعفات ال8 غرز
وفيه لها باترونات علي مضاعفات ال6

وخلينا تعملها علي مضاعفات ال8
ابدئي 24غرزه يعني 3مضاعفات ال8 وده حايعمل معكي 3مثلثات في البدايهوممكن تبتدي باي طريقه بس سيبي الغرز مرخيه شويه يعني مش تشدي علي الغرز


سطر القاعده مكون من 3مثلثات وحانشتغله بطريقه السطور القصيره اللي شرحتها قبل كده
بدايه الشغل اشتغلي غرزتين عدل ولفي

السطر 2- 1مقلوب واسلتي غرزه مقلوب ولفي


السطر3- 3عدل ولفي
السطر4- 2مقلوب - اسلتي غرزه مقلوب ولفي
السطر5- 4عدل ولفي
السطر6- 3مقلوب - اسلتي غرزه مقلوب ولفي-
السطر 7و8- 5عدلولفي-4مقلوب- اسلتي غرزه مقلوب ولفي
السطر 9و10- 6عدل ولفي- 5مقلوب- اسلتي غرزه مقلوب ولفي
السطر 11و12- - 7عدل ولفي- 6مقلوب- اسلتي غرزه مقلوب ولفي
السطر 13- 8عدل
وكده خلص المثلث الاول اركنيه علي الابره اليمني وخلصي المثلثين التانيين زيه


وده شكل السطر لما تخلصيه


ياريت تجيبوا ابر وخيط وتجربوها معايا علشان لما تشتغلوا حاتفهموها اكتر