اخواتى العزيزات
لاجل عيونكم و عيون كل محبات الاشغال الفنية جبت لكم غرز تريكو مترجمة ان شاء الله تعجبكم و انشاء الله ااجعلها متجددة ...قولو يا رب
و انا ادعو كل من تحب تشارك فى الموضوع و تضع ما عندها من غرز التريكو المترجمة لتصبح مرجع و موسوعة لغرز التريكو
احب ان اوجه الشكر الى الاخت الفاضلة الغائبة عنا مودى لولو ربنا يرجعها لنا بالسلامة و يصلح احوالها فهى معلمتى الاولى بالتريكو ويرجع لها الفضل بعد ربى
اولا شوفو الغرزة دى
الباترون
اولا هناك ملاحظة صغيرة و هى ان الغرزة تتم بخيط زوجى بمعنى انك بتشتغلى بشلتين من الخيط فى وقت واحد اى تبدئى بالطرفين من كل شلة معا
وده نوع الخيط المستخدم هو يشبه الشريط
و على فكرة دى اخر موضة و الموديل اللى راح انزله ايضا لسه وصلنى حالا
ثانى ملاحظة هى : ياريت تركزى فى كل لفة و كل زيادة للغرز حتى تظبط الغرزة معكى
باترون الغرزة:
عبارة عن مضاعفات 4 غرز + 3
السطر الاول:(وجه العمل)
2 ع - * لفة - اسلتى غرزة - 2 معا ع - مررى الغرزة المسلوتة - لفة - 1 ع * كررى حتى اخر غرزة اشتغليها عدل
السطر الثانى : كله مقلوب
السطر الثالث :1 ع - 2 معا ع - لفة - 1 ع * لفة - اسلتى غرزة - 2 معا ع - مررى الغرزة المسلوتة - لفة - 1 ع *كررى حتى اخر 3 غرز اشتغليهم كالاتى : لفة - اسلتى غرزة - 1 ع - مررى الغرزة المسلوتة 1 ع
السطر الرابع : كله مقلوب
كررى السطور الاربعة السابقة لتنتج عندك هذه الغرزة قولو لى ايه رأيكم؟
الان هذا هو الموديل المأخوذ منه الغرزة و معاه رابط الباترون بالكامل للى تحب تعمله
http://www.berroco.com/exclusives/viena/viena.html
فية غرزة مغلبانى شوفتها فى جاكت لطفلة لكن للاسف معنديش كاميرا ان شاءالله اصورها بالموبايل واتمنى انك تساعدينى فيها ولكى جزيل الشكر
على فكرة انا اشتغلت بلوزة كروشية لبنتى بالخيط (شرايط)وطلعت حلوة آوى