غرش العطور المنتهيه.......

السلام عليكم يا بنات
اليوم عندي لكم فكره لعمل تحفه فنيه لتزين احد اركان البيت وانشاء الله تعجبكم وانا مسويتها من زمان وحبيت افيدكم
انا من هواة جمع غرش العطور وكان عندي كميه منها وفكرت اني استفيد منها معليش ماعندي صور اقدر ازودكم بها بس انتوا ذكيات وراح تفهمون الشرح
بسم الله نبدا .الادوات
1-مجموعه من غرش العطور الفارغه
2-ورق سوليفان عريض
3-شرائط ستان او شرائط تغلف الهدايا
4-صحن لامع منقوش الاطراف (اللي تلقينه في محلات بيع الحلويات المغلفه ويفضل النوع الدائري,اوسله على ذوقك)
5-(اختياري) صبغه طعام ملونه لتعباة الغرش اوتجليده شفافه وملونه
الطريقه:
1-نقوم بتعباة الغرش بالصبغه الملونه اذاامكنكي فتحها بسهوله ,او قومي بتغليف الغرشه من جهة الغرض بالتجليده الملونه ,يعني كان فيها سائل
2-رتبي العطور بحسب طولها اوشكلها في الصحن او السله اللي اخترتيها مبتدئه من الوسط
3-خذي السوليفان ومديه على الارض واذا ما كان عريض وصلي قطعتين مع بعض بحيث يكون الطول والعرض متقاربان
5-ضعي صحن العطور في المنتصف وابداي بلف التغليف بحيث يكون على شكل نافوره من فوق وعلى مهلك وانتي تغلفين عشان ما يتبهذل السوليفان
6-شدي اطراف التغليف واربطيه بشرائط الساتان العريض او شرائط التغليف العاديه (يصير شكلها مثل صحون الحلويات المغلفه)
7-قصي الاطراف الزائده وابرمي الشرائط اللي نازله
تقدري تزيني الشكل الخارجي بسلاسل ذهبيه اواي شي تفضلينه من الزينه وحطيها على طاوله زجاج
عني انا حاطتها على طاوله دف حقت الشاي والقهوه على الرف العلوي ومبخره وكرستالات وبخور ودهن العود على الرف السفلي او العكس وحاطتها في احد اركان المدخل
واتمنى انها تنال اعجابكم يا اخواتي الفاضلات
معليش كنت اتمنى ان يكون فيه صور بس المعذره يا عزيزاتي:27: