في البداية
أعرف أن البحث عن نجار يضبط الشغل صعب
وأيضا التعب في البحث عن شخص ( أمين )
أنا وأبونا تعبنا حيل في البحث في النت أو من خلال السؤال في محلات غرف الأطفآل أو بعض النجارين
وجدنا صورة مناسبة لغرفة طفلين ( بنت , ولد ) تناسب جدآ مساحة الغرفة الصغيرة
بحيث تكون تشمل على دواليب تخزين ملابس وأيضا تعليق للملابس وكل طفل بالطبع على حدة ,,
كتبت في موضوع سابق رد عن النجار الي سوينا عنده ,,
وأنهالت الرسائل ( مالومهم ) يبون رقم النجار .. رصيد رسائلي ماكان يسمح بالرد
وما قصرت الاخت ملاك سدير ,, تمنيتك ., نبهوني للموضوع والارقام لديهم ,,
بأبدأ بالصور + نصائح + أفضل أنوآع الخشب + والاكسسوارات وأيضا الدهآن ..
.,. بدآية العمل .,.
.,. مسكآت الدواليب .,.
,. هنآ .. شوفوا كيف خلفية السرير صرآحة خشب قوي ومتمآسك .. .,.
.,. مشآورة في أحد الدروج ( الملتحي هو أبو عمر اللي تحدثت عنه ) .,.
.,. الدروج الدآخلية وطريقة تقسيمها لتشمل الملابس .,.
.,. هنآ .. الدواليب العلوية .. وضعت تعآليق فيهآ .. لتكون الغرفة شآملة لكل شيئ .,.
.,. هذآ سرير ولدي السفلي .. ويظهر فيه حآجز عشآن مايطيح .. مع العلم انه يخرج الحاجز ويسكر الكرسي
حتى النهآية .,.
.,. صور نهائية للغرفة .,.
هذه الصورة الأصلية من النت .. ولكم الحكم ..
.,. نصائح .,.
1. إذا كآن بيتك مدآخلة صغيرة .. لا تتوهقين .. وتجيبين الغرفة جاهزة
وتبلشين مثلي فكوا باب عندي عشان تدخل الغرفة ورجعوا ركبوه يعني بلغيهم على الاقل يركبونها بالبيت
2. اسألي عن أفضل خشب ( عندي وحسب كلامه تايلندي ) أفضل نوع
3. الدهآن ( نآري ) مثل بوية السيارة .
4 . المسكآت للدواليب ( بلغيه انك تبين تشوفين أشكال قبل التركيب ) وبيتصل عليكم وتشوفونها .
5 . الاكسسوارات اللي بالدروج ( اللي تخلي الدرج يطلع ويدخل ) ايطالي .
6 . اللون السائد للغرفة ( عطانا الدهان لها عشآن لا صار مخش أو شيئ نغطيه بالدهآن )
7 . الغرفة تجلس تقريبا من ( 10 أيام .. لاسبوعين ) غرفتنا جلست شهر تقريبا لأن زوجي ينتظر دهان محترف
سوى لنا الغرفة ومافضى الا عقب فترة وكلمنا النجار وماقصر تحملنا قال أهم شيئ قبل ماتبونها تجيكم بيومين
كلموني عشان أدهنها عند الدهآن .
8. سعر الغرفة ( 2100 ريال ) . ويعتبر رخيص جدآ لان أقل شيئ حصلته ( 3500 ..!! )
9. فيه درج بتشوفونه بالصور مكانه فاضي وطلبنا يصبغه بالابيض .
10. جينا للمهم الوصف ( الروضة – تجين من خالد بن الوليد حتى يجيك الرياض مول – تخلينه على يمينك وتتجهين شرق – تجيك مدارس الشمس – بعدها اشارة – تمشين تقريبا 500 متر يجيك على اليسار محل موبيليا – يقع بين محل ألمونيوم ومكتب عقآر – يعني في الوسط بينهم ) اسم الشآيب أبو عمر ( الرقم موجود عند الاختين ملاك سدير , تمنيتك , وماقدر أرد على الرسايل رصيدي مايسمح .
اللي يبي يسوي عنده يقول من طرف أبو عبدالله .. ووالله مالنا علاقة فيه لا من قريب أو بعيد
لاكن من جد الشغل أجبرنا .. وعلشانكم ترى نزلتها قبل الاثاث والمفآرش ..
هذي تقريبا أكثر الاشياء المهمة وأي استفسار أو انتقاد أنا حاضرة
سامحوني موضوعي حيل طويل لكن مايسمح غير بـ 3 مشآركات .. وحبيت أنزل كل شيئ حتى يكون
كل شيئ مبين ..
( اعتذر الغرفة غير مؤثثة .. لكن استعجلت على طلب البنآت يبون يشوفون شغل النجار .. واذا كملتها راح أنزل بقية الصور .. الدهآن أيضا اللي تبيه تبلغني على الايميل .. لان بصراحه شغله مميز في الغرفه )
( اذكروا الله .. ماشاء الله )
حلووة وهااادئه
الله يعطيك العافيه