مرحبا ... شلونكم يا شباب ؟
هذه غرفة أختي اللي صممتها ونفذتها
من فتره وانا ازن على راس اختي علشان تغير غرفتها ... بس كانت اتقولي انه الغرفه تكلف وما ادري شنو
بس انا قلتلها اني راح اصممها وانفذها بنفسي وشوفوا شنو صار
تكفلت بكل شي , رحت ظبيت غرفتها من كل شي وجبت معجون وقمت اصلح الشروخ الخفيفه اللي كانت بالطوفه
ومكان المسامير بعد , ضبطتها بالمعجون والسكين الخاصه فيها
وخليته ينشف المعجون
جبت لزاق الورق الاصفر الضعيف ولزقت اطراف الشباك والباب ومفاتيح اللمبة
وسويت بورد من فوق باللزاق لاني ابي السقف يكون أبيض
شريت صبغ اموشن اكرلك ابيض وصبغت السقف ( طبعا بعد ما شلت الثريات القديمة ) , وصبغت الباب بعد
خليتهم ينشفون بس كل شوي اصبغ طبقه علشان يصير ابيض ابيض
انا اعرف انه لون اختي المحبب لها البنفسجي , رحت شريت درجتين بنفسجي من صبغ جي تي سي النوع اكرلك ربع لمعة
شريت رول وشريت فرشاة صغيرة حق الزوايا والاماكن الضيقه
حطي تقريبا ثلاث ارباع قلاس ماي عليه وسكري العلبه وخظيه قبل لا تصبغين ضروري
رحت وصبغت النص اللي فوق بالدرجة البنفسجية لفاتحه واخليه ينشف واعيد اصبغه مره ثانيه تره فتره الجفاف ساعه بس
وبعدين اصبغ النص اللي تحت بالبنفسجي الغامق بنفس طريقة
بعد ما ينشف النص اللي تحت تحي الطريقه الحلوه
جيبي لوح مقوى وقصيه باطول نص متر وعرض خمسه سانتيمتر
ولوح ثاني طول نص متر وعرض ثنين سانتيمتر
هذول علشان تخلينهم مثل المقاس لما تلزقين اللزاق الاصفر على الطوفه علشان اتسوين الديكور الابيض
بعد ما اتخلصين من التلزق اصبغيه بالأموشن الابيض الاكرلك وخليه ينشف
هذه الخطوات اللي تكلمت عنها
بعد ما ينشف شوفي البورد اللي راح اتحطينه شنو لونه وخططي اطراف الابيض فيه انا مثلا خطتته بالقلم الفلوماستر الفضي علشان البورد اللي بالنص فضي
يتبع
بعدها لزقي البورد بين الدرجتين الفاتح والغامق واللي بقى من البورد قصصي الورد اللي فيه وسويه على طريقة الديكوباج على أطراف السقف من فوق
انا لزقته بالغراء الأبيض
بعد ما خلصنا كل شي فصلنا غرفة نوم بيضا وجبنا عامل ركب لنا خطاف فوق السرير علشان الناموسيه
وركب لنا الشتر المعدن وركب فوقها الستاره الدانتيل الابيض وركب الرفوف والمرايا وكل هذا شريناه من ايكيا
لزقت فراشاة على الطوفه علشان يعطي حيويه على الغرفة
هاااااااااااااااااااااااا يا بنات شرايكم بشغلي ابي رايكم ... انفع اطلع ببرنامج أوبرا ؟؟؟