اعتذر من اخواتي بنات حواء على اطالتي في موضوعي الاول عن غرفة اخواتي الفوشيه والموضوع تم حذفه ودحين جبت لكم الغرفة بالصور طبعا راح احط لكم هيا
خلاص خلصنا منها وحطينا الرفوف وكده بس مارتبناها وبعد الترتيب ان شاء الله ولما تكتمل الغرفة كامله انزلها ان شاء الله
الغرفة ناقصها كوميدينات ومكتبة الكمبيوتر وستاير وسجاده صغيره وكرسيين وطاولة قهوه
نبدأ
قولو ماشاء الله تبارك الله
العين حق علينا وبدون زعل
بسم الله الرحمن الرحيم
هادا ركن التسريحه حطينا فيها 4 مرايات من ايكيا واللي في النص دولاب القزاز برضو من ايكيا بيحطو الاكسسوارات والمكياج وكده
لااحد يدقق في كيس الزباله :09:لسه بنلم القرمبع والوساخه
وهنا بعد ما حطينا الرفوف تحت المرايات
اعتمدت افرق المرايات عشان بنات خالاتي لما يجوونا
في الاعياد وكده وكل وحده تاخدلها مرايه وتتكشخ :icon28:
وقلنا بنجيب الكراسي اللي رجولها طويله من ايكيا عشان يرتاحو بدل الوقفه لما يحطو الميك اب
هنا جدار تاني حطينا فيه رفيين من ايكيا لونهم اسود وجنبه تعليق العبي برضو من ايكيا لونه ابيض بس لسه ما ركبناه
هنا جبت دولاب القزاز وحطيتو تحت الرفوف حسيت مكانو هناك مو حلو
حتى هنا مو مقتنعه بمكانو وشكلي كده باغيرو كمان ولا اش رايكم
هنا من زاويه تانيه وبالاضاءه الصفرا والتصوير كلو في النهار
المره الجايه ان شاء الله الغرفه كلها كامله وبالاضاءات
تبع تعليق العبي اللي في الارض لسه مااتركبت
هنا جهة السرر والطاقه والكوميدينه تبع اخويا حبيبي يدرس في راس تنوره الله يرجعو لنا بالسلامه اخدوها مؤقتا الين ما نشتري الكوميدينات
وبس خلصت للان والباقي ان شاء الله لما اروح عند امي واصورلكم هيا جاهزه عروسه :icon28:
البويه فوشيه لكن في الصور مو باينه
3 جدران فوشي وجدر ابيض رسمتين في الجدار الفوشي المقابل للجدار الابيض والجدار الابيض رسمه وحده بالفوشي
الاثاث ابيض مع اسود والاكسسوارات دخلت فيها الرمادي والاسود والابيض والفوشي طبعا لانو شرشف السرسر ابيض ومورد برمادي
وبس سلامتكم واتمنى ما زعلتو مني على التأخير
والباقي قريب ان شاء الله
اللهم استودعتك نفسي وزوجي واطفالي وامي واخواني واخواتي واخواتي بنات حواء يا من لا تضيع ودائعه
:26:الله الله بالردود الحلوه والتعليق الغير جارح
ماشاء الله اللهم بارك لهم مارزقتهم امين